(( كنت الوحيد اللي يحب ))
×?°نشرت في العدد 51×?°
أمس لحفت وجه الشمس بلحاف الغروب
وكانت وصاة الشمس للعاشق ذنوب
إسهر
وقبل الصبح .. قومني
إقفل شبابيك السما بلجام
وإرخ الستاير
دام يجهرني الظلام
ويزعجني الغروب
والين أقوم
إنشر على حبال النجوم
هموم
اجرح قلوب
وادمح لعوب
وإحذر تتوب
تلبس على وجهك شحوب
عقب الغروب وفي الصبح
أفوقها وتفوق
شال ألبسها الشروق
وأنفض شليل الشمس عن غبار أمس
وأغسل محياها بدموع من دموع البارحة ..
كان الوعد صبح
وكان الوعيد غروب
وبالنسبة لي
كنت الوحيد اللي قضى عمره
هروب من الهروب
وكنت الوحيد اللي يحب
وكنت الوحيد اللي تعب واللي لعب ؟
حبيبتي ..لعبت بساعة يد الشمس عقب الغروب
حبيبتي ما دمتي شمس ٍ وأنا أمس ..
وشلون بتجيني .. ووشلون تنسيني ..
دامك عليه وأنا داك وشلون أبنساك ..
حبيبتي ..
أنا أكرهك .. وأهواك ..
وإذا هجرتيني .. ونويتي تنسيني ..
بحزّم جراحي وأرحل .. عن طرفك الأكحل ..
ولو مانسيت ..
أكيد لا من رحل فيني التراب ..
بأنسى غصب عقب الغروب ..
كانت وصاة الشمس ..
تكفير الذنوب