ياضاق درب(ن)فيك وشلك بممشاه
جنب طريقه والفيافـي عريضـة
درب(ن)يوريـك المذلـة بلـيـاه
شمس الخيار ولا ظلال الفريضـة
الحر يامن ابـرق الريـش قـزاه
عاف الديار وعاف عشه وبيضـه
والناس كل(ن)يجذبه ساس مجنـاه
مثل الشجر لامن تجـدد بريضـه
رجل(ن)اليا زلت بك الرجل تنصاه
حبل النجاة اللـي بتوتـه عريضـه
ورجل اليا قلـت محايلـك تلقـاه
عزك يعزه وانكسـارك يغيضـه
ورجل بساعات الرخا جاه ووجاه
لاكن بوقت الضيـق ماتستعيضـه
مثل الغدير اللي حفظ مـاه بشتـاه
واهلك وروده في لواهيب قيضـه
اللي زعل من خاطـره لاترضـاه
ياصار ماسويـت شي(ن)يغيضـه
والعفن لاتندم على شـان فرقـاه
ترى الردي فرقاه ماهي غميضـه
مادام رزق العبـد بيديـن مـولاه
وش حاجته باهل النفوس المريضه
قصيدةللشاعر يوسف المزيني :