يامـن يراعينـي بعينـه وأراعيـه
بعيون قلبـي كـل مـا لاح زولـه
يفـز قلبـي لا تـبـدت مـواريـه
وأغض عنه الطرف والناس حولـه
أقعد معه في الناس مقـدر أحاكيـه
أخشى لساني يختلـف فـي مقولـه
يغلي الحكي في خاطري مقدر أحكيه
ويصرخ بصدري صمت قد طال طوله
أسرح بفكري لا طرى طـاريٍ فيـه
لا أقدر أرد الهرج ولا أقـدر أقولـه
ولا أقدر أفيَض سر قلبي ولا اخفيـه
ولا أقدر أداري لـه جـروح عليلـه
يـا مـن ينادينـي بقلبـه وأناديـه
يـا مـودعٍ ليلـي ليـالٍ طويـلـه
ينسى الغفى عيني إلا جيـت باغيـه
يامن يلوم اللـي خـلا مـن خليلـه
قصيده رائعه للشاعره نجديه :