يا وش بقى بأعطيك منّي ولا جاك
ما باقي إلا روحي أحيا بها لك
أوصف جمالك كل ما أنشدت وأهواك
وازيّن أيامي بجلسة خيالك
يا الغايب الحاضر بقلبي ولا ألقاك
أقرب من عروقي وصعبٍ منالك
شالك زماني عن عيوني ووداك
لا شك وثّق في ضلوعي حبالك
يا حاجبٍ شمسي ورى ليل جفواك
ما بالعهد بك قاسيٍ في دلالك
وش غيّرك يا منوة القلب و أطغاك
على حبيبٍ ما تخيّر بدالك
دنياي ما تصلح بلا شمس دنياك
والليل يوحش لو تغيّب هلالك
ما ينقطع ظما الهوى إلا على ماك
ولا يهوّن حره إلا ظلالك
ولا تشوف العين زينٍ بليّاك
ولا يطرّب سمعي إلا مجالك
ولا انتفض قلبي من الحب لولاك
ولولاك ما يبدي علي مابدالك

احببت
تشاركوني
مع رررروائع
داااايم
السيف
وارفقو
على
القلب
معااااد
فيه
حيل