منتديات بعد حيي - عرض مشاركة واحدة

معرض الوسام · 12-09-2009, 12:18 AM

[poem=font=",6,orange,bold,normal" bkcolor="black" bkimage="" border="double,7,red" type=2 line=0 align=center use=ex num="0,black""]

ياحـمـود كـان الوقت عـيـا لايـلـين=كـم واحـدٍ قـبلي شكى جور الزمن
ولا يـبري الـمجروح ياحمود الونـين=ودنياك ملـفـاهـا الـبــلاوي والـمحـن
اترك هـمـوم العام وجروح السنين=ولا تنبش الجـرح القـديم اللي سكن
ماواحـدن يسـلـم من الجرح الدفين=دامه لسكـيـن الـزمـن مـثل الـمسن
ومصايب الـدنـيا شكى منها الحسين=وقاساه جـعـفـر والامـام ابوالحـسن
ودام القدر مكتـوب حـرفه بالجـبـين=وش فايـدة كـثـر الهـواجس والحزن
مالك سـوى المكـتـوب باللوح المبين=وحكمه يسوقك دون حبل ولا رسن
كـم لـقـمـةٍ ضاعت على سبع العرين=وكـلاه وسـط الـناس مرتـاح البـدن
سـر في دروب الرزق والمولى يعين=واحذر ترى التسويف يرمي بالوهن
وان ماوصلت لـمطـلبك خـلك رزين=تـرى نـهــايـة عـيـشـتـك خـيـط وكفن
منشاك طـين ومرجـعـك ياحمود طين=وتاخذ سنينك منك فوق اللي عـطن
تالـي حـيـاتك بـالـي(ن)مـثـل الشنين=وتـنـدم عـلـى الغلـطات بوقوتٍ مضن
والبخـل مايـودع لـك الـهـزلاء سمـين=ونوبٍ يـصـير الـفـقر بأسباب العـفـن
وتـرى بخـيـل النفس مـبـتـور الـيــدين=ولا فـيــه مـزبـن لـلــرفـيـق الـلـي زبـن
واحـذر تدوس الـظـلـم لو ربحـه ثمـين=والا تـطـيـح بـدعـوة عـيـون(ن)بـكـن
وهـنـــي رجـــل(ن)لايــدان ولا يــديـن=لو يكـتـفــي بـالـفــرض عـن كل السنن
واحـذر تـهـيـن الـنــاس والا تـسـتـهـين=والـفـــار هــد سـدود مــأرب بـالـيـــمـن
ولا تقرب الـسـلـطـان يـالـقـرم الـفـطين=او ذقــت حـقـران الـنـفـوس بـلا ثـمـن
سـاعـه يـزيـن وعـشـر يـمـكن مايـزيـن=وتصـبـر عـلـى هـون الـسـريـره والعـلن
وعند الغضب يرطن على راسك رطين=وتزفـن مـعـه بالـغـصـب كـان انــه زفـن
والـحــمــد لـلـمـعـبـــود رب الـعـــالـمــيـن=عــلام مايـظــهـــر ويـعــلـــم ما بـطــن
[/poem]