ليت المرض ينقل عن اللي نـودّه
......والله لاشيله عن غلا الناس سلطان
شيخ جميـع النـاس ذخـر تعـدّه
...........إن ضاقت الأيام واشتـدت أزمـان
ملجا الرفيق ومن بعد كـان ضـدّه
........حتى العدو ينصاه لي ضاق به شان
محد(ن) وصل بالجود والطيب حدّه
.........وانا اشهد إنّه أكثر الناس إنسـان
كم واحد(ن) عن لحظة الياس ردّه
.........حتى زرَع له بالأمل روض بستـان
أمّا الشجاعة فاسـأل اللـي ينـدّه
.........وعزّي لمن لاقاه سلطان غضبـان
يمناه إذا همّت بحصـن(ن) تهـدّه
...........ويسراه ياما عدلّـت راس غلطـان
وكل(ن) عطاه الله من الحمل قـدّه
............ونصيب ابوخالد هزع كـل ميـزان
وتضحك لها عينه وسنـه وخـدّه
.......ما كنها إلا ريشة(ن) شالها حصان
يـاالله ياربـي مـن العمـر مـدّه
.........كم عين محتاج ترجلـه باحسـان


مجنونك

مشكور على هذه البادره الطيبه