منتديات بعد حيي - عرض مشاركة واحدة

معرض الوسام · 12-14-2009, 06:06 AM

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4," type=2 line=0 align=center use=ex num="0,black""]
ياحمود كان الوقت شانت طباعه=اركب على اللي مايهاب المـطـاليع
يشبه هريف الذيب وقت المجاعه=اللي حداه الرمي واقفى مع الريع
جـيـبٍ مدوحـه بالمـخـاليق شاعه=واعطوه تاج الطيب قوه وتصـنيع
طـبـعه عـزيزٍ عن دروب الدناعه=ولافيه صوت ولا يجي فيه تقطيع
ناعـم وهــادي مع عزوم وشجاعه=وحـسه يشـادي للـبـنات المداليع
ام الـهـروج الـلــي لذيـذٍ سـمـاعه=تسحر عيونك بالخـدود المـراديــع
وبالدرب لاقـاسي ولا هو رعـاعه=ولا يهلك السواق شيلٍ وتـفـديع
مايشتكي من صوفـتـه يـوم ماعه=وقاطور زيـتـه صـار تحـته مناقيع
ولا بان فـي طـقم الـتوايـر رقـاعه=او جـمـعـوه من الـتـشـاليح تجميع
زادو بـلوفـه عـقـب وزنـة ذراعـه=صاغـه وخـطـط له بـعـيـد المراميع
فكر العـقـول اللي زهـاه اخـتراعه=خـلا الـتـوانـك له مضخه وتوزيع
لـمـا جـمـع عـزم ووقار ووقـاعه=بالدرب مايـفـزع مـنـام الـمـراضيع
فيه الدبل لاغـاص في رمل قاعه=او ساعة الـفـزعـه بوقت المفازيع
يعطيه عن عوق الطـعاسه مناعه=لو قيل ترجـع قـال يالربع ماطيع
وسط الـمـواعر له فـنون وبـراعه=تحت الذي ناشه بروس الاصابيع
ماقــام يـلـفـح بالـهـبـايـب شـراعه=مربوط في شيل البهم والـمرايـيع
راعيه لو ضاقـت عـلـيه الوساعه=بالجيب مايـطـري عـلـى باله البـيع
كـفـخة قـطاةٍ حس الاقفاش راعه=من بندقٍ بكفوف راع الـمـطـاميع
تحت البروق اللي تقـادح شـعـاعه=وسط المزون الراعـدات اللوامـيع
بـرقٍ عـلـومـه سار عـبـر الاذاعه=وغـيثه بنجـم الوسم مـثـل الينـابيع
سيلٍ بوسط اللـيـل زاد انـدفـاعـه=وقبل الشهر صارت فياضه مرابيع
خـلا الـدهـر والجوع يعـلن وداعـه=وشفت الركايب بالـظـعاين نواجيع
ادهـج سـلايـل يـام لو ربـع ساعه=ومـنـازل الـمره بـروس الـزعــازيـع
تلـقـى بـيـوتـه فـي خـطات الرفاعه=وذيـدانـهـم تـرعـى الخلا والطـواليع
حـلـيـبــهـا ماصـار يـعــرض بـضـاعه=ولا داوروا فـيـه الـذهـب والمنافيع
يهـدونـها من دون حـب وشـفــاعه=سـلـمٍ شـهـيـرٍ دون خـتـم وتواقـيـع
بـظــلال قــومٍ من ضواري سباعه=معـهـم سـيـوفٍ ساطـيـاتٍ قواطيع
والـطـيب يـزرع بـالـطـبـايـع زراعه=وزرع الندى فيهم فـياض ومشاريع
لما غدى صاع الندى وسط صاعه=مثل النجـوم الساهرات السواطيع
احيوا سلومٍ عقب الاجداد ضاعه=بمجـالـسٍ تـبـري جـروح الـمواجـيع
روحي تـتـوق لـهرجـتـه واجــتـمـاعه=طـبـعٍ جـمـيـلٍ مايـبــي زود تـطـبـيع
ومن عـاشر الـمره يـزود اقـتـنـاعه=باللي خذوا زهـرة جـمـيـع المواضيع
اهل الـمـساجد والدعاء والـضـراعه=مـضـي لـيــالـيـهـم سـجـود ورواكـيـع
خـلوا حـقـوق الجـار مـثل الوداعه=حازوا بـحـق الجار كـل المـجــامـيع
وفيهم عـلـى حـرب المـعـادي بتاعه=وماطاوعوا ظلـم العساكر خواضيع
مافـاد جـيـش الـتـــرك قـوة دفــاعه=يـوم قــهــديــه والـجـمــوع الـمـداريع
وفـي يـوم زرنـوقـــه وشــدة نـزاعـه=قـاسـي سـقـوه من الـمـنـايا قراطيع
وفـي يـوم الاربــع مـانـهــاه ارتـيــاعه=خـلـوا جـنــود الـتـرك فـيها مصاريع
ما لاع خـيــالــة مـحـــيــريــق لاعـه=واهل النقى بالرمح ساروا مطاويع
من حــد حـاشد لين ديـرة قـضاعه=واذكـارهـم تسـبـق ريـاح الذعـاذيع
تضـمـن ندى المري وتـامن خـداعه=وماضـي وعـوده بالقواعـد مضـاريع
وصعبٍ يروح الـذود مـنـهم قـلاعه=او تـشكي الـضـيـفـان جفوه وتجويـع
يوم الـعـرب باللـيـل يـسـرق متاعه=مثل الـذيـابـه بالسـهـال الشواسيع
والـيــوم حـنــا بالـشـريـعـه جـــمـاعه=وتحت القـمـر نطرد فروخ الجرابيـع
واما هـروج اهل الرخى واللـكاعه=كله لاجل يـلقـي عن الهـون ترقـيع
ومادام مالـه بـالـفـعــول اسـتـطاعه=فالكذب مايـلـقـى بـالاجـواد تشميع
[/poem]