ياللي تلوم الصمت فيّ وعلى أيش
........ الصمت جنة لا غدى الصوت فاني

لا تلومني ماعاد فالسالفه (ليش )
....... خلك مكاني وتعرف وش حداني ؟!

على الظماْ وأنا جليس المراهيش
........ على السفر وأنا حبيب المواني

لاني رفضت أخون وقتي ولا أعيش
........ أنسان منفي داخل إنسان ثاني !!

أسكت ليا كثر الحكي وأمتلى طيش
........ وأحكي ليا طاح الكلام ونخــاني

وشلون أخون الشعر والملح والعيش
........ مابيننا عشرين عام وأغااااني

لمني بكيفك بس أنا ارجوك بشويش
....... حلمك عليّ ماعدت انا الاولاني

خلك مكاني أو (بلاها) على أيش
......هو فيه أحد يقدر يكون بمــــكاني ؟!

رأقـــــــــــــــــت لي
تحيـــــــــاتي