ان كان حبك لي على شان ثوبي

فيشهد الله انك اعمى بصيره

بيت تغنت به فتاة الجنوبي

واثار في نفسي حاجات كثيره

وخلاني اجنب كثير الدروبي

اللي بها قدام احث المسيره

واراجع احسابات حب كذوبي

واعرف طبيعة شكله المستديرة

اللي بها طالت ليالي هروبي

عن واقع الواقع بشره وخيره

وخلاني اطوي الشرق بايد الغروبي

واطول ايام الحياة القصيره

وابصر واميز صوب ماهو بصوبي

واريح اعيون من اول سهيره

وازعل اللي من الفرح سولفوبي

واللي يلدون ابعيون كسيره

يوم ان لعب بالقلب غض لعوبي

واقنعني ان حبي تملك ضميره

وانه لو ابعد مجبر ومغصوبي

ولا يقدر يخلف نظام العشيره

وفي لحظة غير مهب الهبوبي

وفي لحظة غير غرامه بغيره

وزيف الحقيقة مزقته العيوبي

وثوب الخديعه غطى سلكه حريره

وبان ان حبه لي على شان ثوبي

وما عاد لي الا اقول يالله الخيره

منقول