منتديات بعد حيي - عرض مشاركة واحدة

معرض الوسام · 12-25-2009, 07:38 AM

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4," type=2 line=0 align=center use=ex num="0,black""]

يالوايلي ياعزوتي حان الرحيل=ومن طال عمره بالعرب ذاق الملل
وشلون في مـمشاك خليت الصميل=والقيظ بالجـوزاء كوى فرخ الحجل
والجيل الاول حط للتالي دليل=ومن سار بالهقوات ضاع عن الدحل
شاور على القالات شيبان النزيل=اشوارهم تحميك عن كثر الزلل
من كثر ما ناموا على حس العويل=وعاشوا وقوت الامن ووقوت الوجل
ومن قال انا فوق الخلايق جيل جيل=قوله تراه اول علامات الجهل
اعزل كديش الخيل والمهر الاصيل=من شان ماتسري على صهوة بغل
مثل الذي يقلع من المدرج بليل=وبالغيم قيل الطايره جاها خلل
عقب التوازن بالهواء صارت تميل=جنحانها تشكي صواديف وعطل
طول ارتفاعه فوق عشر الاف ميل=ودرب النجاة اليوم ماهو محتمل
رغم انها بوينج من آخر موديل=مدري علام الضغط صمامه قفل
ما ينفع الرعديد عظه للشليل=ولا بالسماء دربٍ يفكه لا جفل
والخوف مازاد الليالي للذليل=ولا مات بالميدان من بارز بطل
والموت مايقبل عن اصحابه بديل=وياويل من طاع الاماني والامل
يندم بها القاتل على دم القتيل=وكم ظـالـمٍ للناس حلمه ما كمل
ومحـدن خـذى مالـه لـقـبره في زبيل=ولا ينفعه مال الحرام اللي بذل
واللي يهز اسواق الاسهم بالصهيل=يصبح مثل ورد الربيع اللي ذبل
واللي خذاه الكبر بالدنيا هبيل=ليته يقيس النفس قدام الجبل
او شاف ريحه لو تأخر بالغسيل=والـفـرق في ريقه وترياق النحل
ولا يرفعك ثوبك ولو ماله مثيل=ولا يـهـفـي اللي طـاب لبـسه للسمل
والفرق بالـتـقـوى وبالفعل الجميل=وكم طـايـشٍ جازاه ربي بالشلل
والكذب حبله بالعرب ماهو طويل=لو حاط كذبه بالسكاكر والعسل
ومن مال عن دينه ترى طبعه يميل=يفتل ورب العرش ينقض ما فتل
ومن خان عهده بين قال وبين قيل=مافيه دين ولا مقام ولا خجل
واهل الصخى قدره مع العالم جليل=وطبع الصخى يمحى العيوب اللي فعل
وقصر الندى واضح على الرجل النبيل=ولا كل من ياقف على بابه دخل
ولا فيه بعيوب العرب مثل البخيل=يزيد عيب النفس ياعالم دبل
ودنياك فيها القيظ والظل الظليل=ومن عاش وقت الريف ملفاه المحل
لابد ماغيث السماء فوقك يسيل=ويحيي مفاليك السحاب اللي هطل
ويسري نسيم الفجر للقلب العليل=ينقل معه عطر الخزامى والنفل
ويرجع حمام العمر يسجع بالهديل=وتنشط عزوم الناس من عقب الكسل
والرزق رزق اللي هدانا للسبيل=ماهو رزيلٍ مدته حفنة هلل
واحذر وقوف الهون في باب الرزيل=ولو يملك ارزاق الخلايق ماعدل
والسدر ماتحته منام ولا مقيل=والحر الاشقر بالعواشز مانزل
واعرف ترى ماتحت ربك مستحيل=والياس هو راس الخساره والفشل
واهل الفزايع بالعرب دايم قليل=واليا نخيته قال انا مالي دخل
ولا شاف روحه مامعه للطيب حيل=تلقى فزوعه بالمعاتب والعذل
ومن ناف بالطولات وادخال الدخيل=يكثر عليه الكذب وهروج الدجل
كله سبب غيرة جميلات الجديل=حلوات الانفس والسوالف والغزل
تطفر على كبده لواهيب الغليل=لا هو كفيل ولا يحب اللي كفل
وما كل رجلٍ يقطع الدرب الطويل=ولا كل من يعطي مواعيده صمل
والعلم يظهر لك اليا ثار الفتيل=ويكشف رفيق الصدق عن راع الهزل
الحـشـو مايقوى على الحمل الثقيل=ولا كل من تنخاه بالشده جمل
ترى العرب فيها الصداقه والزميل=مثل الرفارف به حديد وبه ربل
واحذر بروق الصيف وعهود الكحيل=والا قصار الخيل وطوال النخل
وعيش المذله مثل سطوات السليل=ومن طاح وسط الموج ماهاب البلل
وبعــض الـخباري بالـشـتــاوي سلسبيل =وفي لاهب الجوزاء يغطيه الوحل
وما كل رفقات العرب رفقة خليل=ومن رافق العالم عن اكـثرهم نكل
[/poem]