منتديات بعد حيي - عرض مشاركة واحدة

12-28-2009, 12:13 AM

سارا " عمر مدري نصيب ٍ على الفال
تمتص من قلبي عذوبة رحيقه

تاخد من احساس الهدايا للـ اطفال
وترسم لهم حلم النحل بالحديقه

في عينها شرح ٍ لـ حواء ولو طال
يثبت لـ ادم انــّ عمره دقيقه

يتيمة ٍ لا اب ..لا عم ..لا خال..
لا ام .. لا عمه.. ولا اخت ٍ شقيقه

مهرة عناد وماتبي أي خيال
خيالها .. حلم ٍ يعاف الحقيقه

في ثغرها قصة " وداعاً للـ ابطال "
وفي خصرها جملة " عطوني طريقه "

اجتاحها وقت السهر حب ووصال
وتجتاحني بحر ٍ زهد في غريقه

ميدانها قلبي وتلعب وتختال
والا القلوب الباقيه فيـ حريقه

احبها حب المغامر للاهوال
وحب المسافر للبيوت العتيقه

صحيح طفله مير عن كل الاطفال
طفله عجزت القى معاها طريقه

*
*
*