عسى السحاب اللي رعوده تـدوي = ينثر حقوقه فـي ديـار المحبيـن
واليا انهمـل هتانهـا زان جـوي = كني فقير وكاسب(ن) لي ملاييـن
ياحلو ممشى البر من عقب نـوي = وشوف الخزامي والزهر والرياحين
شاب الشعر وانا شباب(ن) وتـوي = من غلية الببسي ومن كامل الزيـن
وياجادل ال---------- قلبـي مـذوي = نفيش ورعان(ن) بوسط الدكاكيـن
ياحول قلـت حيلتـي وش اسـوي = البوك فاضـي مابـه الا رياليـن
والبايسن يذكر شـراب(ن) مقـوي = هني من شربه ولـو قيمتـه ديـن
هنيت ذيب(ن )طول ليلـه يعـوي = مايعرف الكبسه وهرفي ولوزيـن
يامـن يخاوينـي ترانـي منـوي = للشام دار الخوخ واللـوز والتيـن
نبي العنود اللـي عيونـه تكـوي = عين الغزال اللي ربا بين شطيـن
اليا حكت ماهـو بحكـي متلـوي = هرجه عسل لابدل السين بالشيـن
تقـول يا---------- بــدي اروي = عيني بشوفك ياسعـوط المجانيـن