لو سجّ هالعالم بما صار فيني
ما سجّ قلب ٍ بالمعاناة مخنوق
كان الألم ثرثار في دمع عيني
ماحس بي حتى ولو ربع مخلوق !
ثارت جروحي يوم حزني طِريني
بانت مواري ضيعتي /طحت من فوق
أهدرت عمري والندّم يحتريني!
الذنب ذنبي يوم أسرفت بالذوق
كنّه تعمد بالوجع يصطليني؟
يبغى انهياري أعدم الحب برفوق!
ماعشت راحه من خبالة حنيني!
يحْدي كفوفي يهدي القلب للشوق
ما للصبر جدوى مع من نِسيني
ماضاع له حقٍ وجاحد لي حقوق!
مشاعري ماتت ومنهو يبيني؟
دامه تساوى من شرى وباع بالسوق!
عزّوه عني / لا يفكر يجيني!
ما كل مطرود ٍ ينادى بملحوق !
بآخر نفس /لو حنّ يسأل بـويني؟
قولوا: حسافه ماتت إحساس مخنوق