صلف الهوى

.
.

كل ما ذعذع علي صلف الهوى حدريـه
يكفخ فوادي بصدري قبـل يكفـخ ثوبـي

خص لاجـا بـارد ومذعـذع عصريـه
يجمع اللي به من الذكرى وياتي صوبـي

قبل يلعبي وانا قـد ريـت فـي ماريـه
ضايق من صبح والهاجوس دوبه دوبـي

والله ان كنه يـداوي الجـرح بالشبريـه
والجوارح من هواها الصلف ماصدوبـي

تجمع اوراق السنيـن وتظهـر السريـه
وتترس عيوني حسايف عقب ترس جيوبي

لاذكرت اللـي رحـل وعيونـه الدريـه
كـل مالديـت فيهـا تهـت لالـدوبـي

تمطر عيوني وخفاقـي سـرى ساريـه
ينعصر وانا دموعـي للوفـى عذروبـي

صمت عن وصل المحبـه لنهـا عذريـه
والردى ماهو بمن طبعـه ولا بسلوبـي

اذكـر انـه قالـي مـره وش الحريـه
قلت عكس اللي لقيته منـك يامحبوبـي

اهتوي طاري هله مـن حبـي لطاريـه
والدروب اللي تجنبهـم مهـي بدروبـي

متعب رجلي ولو هـي صوبهـم عبريـه
وابني امالي علـى الترحيـب لاهلوبـي

اثرهـم ناويـنـي بالنـيـه الشـريـه
واثرهم داريـن وانـا اقـول ماشكوبـي

واثرني ضايع واصـدق قصـة الحوريـه
وش ينجيهم مـن اثامـي الـى قفوبـي

جزت مادام الهوى يبغي عصـا سحريـه
وتبت مادام القدر عيـا علـى مطلوبـي

قد همومي وين الاقي الصيد في البريـه
وقومة في وجه ضيفي واعرف ماجوبـي

اصغر اهدافـي تـزول الدولـه العبريـه
واكبر امالـي يغفـرالله جميـع ذنوبـي

غيـر هبـي ويـن ماتبغيـن يالحدريـه

واتركي قلبي لحاله والعبـي فـي ثوبـي ..

.
.

دمتم في حفظ الله ورعايته