منتديات بعد حيي - عرض مشاركة واحدة - قصائد الشعراء المشاركين في الحلقة الرابعة من شاعر المليون

01-09-2010, 10:44 PM

الشعراء المشاركين بالحلقة الرابعة من النسخة الرابعة لبرنامج شاعر
المليون
حليمة العبادي( الأردن )
سلطان الأسيمر المطيري( دولة الكويت )
مبارك نايف بوظهير( دولة الكويت )
لافي الظفيري( البحرين )
محمد الجرموزي( اليمن )
فواز سلطان السعدون( المملكة العربية السعودية )
عبد المحسن المسعودي( المملكة العربية السعودية )
محمد بن علي السعيد(المملكة العربية السعودية)

قصائدهم :

حليمة العبادي
الأردن

لا يا قلبي ما يلبي ثـم قلـب بـي واختفـا
لا تحاول لا تنادي مركب الحظ العنيـد
كم غدر بي وسط دربي وقت كربي ما لفـا
راح خَلانـي وخِلانـي يخلونـي وحيـد
روح يا مركب وعذب روح ذابحهـا الوفـا
مرّ وارمي مرّ بعدك صارت اعصابي حديد

ميل روح النيل وأبعد حيـل مليتـك كفـا
خذ قديم الوقت مني خلني أحيا الجديـد
خذ حزن عمري قبل تاخذ فرح ضيه طفـا
يوم فيروس البعد زاد وتفشـى بالعبيـد
ليه ؟ لعبة تشعل فتيـل التفكـك والجفـا
تخنق احساس الأخوة والجرح فينا يزيـد
الكُـره اللـي بلانـا وجههـا وإلا القفـا
دحرجتنا ودحرجت أوضاعنا ع اللي تريد
جرحت صوت المحبة واكسرت جو الصفـا
حطمت جسر المودة وانكتم فيه النشيـد
فرقتنا و الحلم غـاص فبحرنـا مـا طفـا
و الاماني ودعتنا و الألم أصبـح طريـد
كل هذا وانت ما ترحم خفـوقٍ مـا هفـا
عايش يعاني صدى ونات تصرخ بالوريـد
تايهٍ مثـل اليتيـم اللـي يـدور ع الدفـا
أو على طيف ابتسامة يفرح بها يوم عيـد

ظل مع طفل الشوارع ينهزم يمشـي حفـا
ينتظر شمس الأمل يشرق ضياها من بعيد
لكن اليوم اختلف جوهـر حياتـي وانفـا
الألم عني وصرت بغيمة الوقت السعيـد

لـو تفرقنـا الرياضـة بالعلـن أو بالخفـا
جمعتنا بوظبي ارض الشعـر ايـدٍ بأيـد
واقطفت من كل روضة حب وردة واحتفـا
قلبها الدافي بابداعات كالـدر النضيـد
الشعر عود لنا وعـود جريـحٍ مـا شفـا
غير بيديها عفا عن ماضي المـر النكيـد

****

سلطان الأسيمر المطيري
دولة الكويت

رفع صوت الوجع عني لثام الصمت لين ابكاه
تفتق من جدار الحزن لين اغرق مدى عيني
بكيت وليت مثل لا بكى يبكي على ليلاه
ياصوره من وجع ليلى قبل هالريح ترميني
ترى ماجيت ابحرث هالثرى وامشي الين اقصاه
هنا جيت انفض غبار الغياب وامسح يديني
ابكتب للشقا للملح للأحزان معنى الآه
ابكتب شي يعنيني اذا بي روح تعنيني
ينادي بعضي لبعضي وتصرخ ونتي قل هاه
وهاه حكايه لناظر غريب شل تكويني

أنا منفى وطن ذل الرحيل لـ سلهمات خطاه
أنا أكبر من احاسيس الدموع اللي تبكيني
تكثف كلمه بفمي وتغرق بالكلام أفواه
زفرت آخر وجع جرح صدى صوته يعريني
شجاع بالوجع اذا ببرد الوجيه اغواه
كذب ذاك الثرى لحظة توقعته يذريني
..
ابدفن من تحت سطر السنين اليعربي وانساه
ابرقى للثرى يمكن اشاهد من بقى فيني

أحب وليت من حب الدروب وداعبه مضماه
سأل بيد الحنايا وين أنا من قبلي وويني
خطأ يارحلة انفاس الليالي هالمدى اخشاه
عرفت اخر تفاصيل الطريق اللي يوديني
اذا كان الفخر فوق الأعالي جيت ابي ارقاه
واذا الخطوه تبي راسي كفنها تحت رجليني
اتوه بـ كل من حولي واغنى للفضى عزاه
عزيز وذب اخر مشوايره دواويني
ظلام طوق ارقبة السحاب وحد من ممشاه
نسانيس الجحود اضحت على البسمه تواسيني
دموعي جار ، الغربه مدينه و الشوارع جاه
اشيل بهالضلوع العوج حلم مل يبنيني
تعبت اجامل الهم الطويل المتعلي والقاه
وطن ذبلت تعابيره على دفتر تلاويني
اقدم له تحت ظل الهجوس المتعمه مركاه
يقدم لي مسا درب تعب حزنه يسريني
اشوف الحرف من بين السطور الممحله واقراه
اسلي خاطري لو كان مافيني يكفيني
وحضرت اسوق لدروب المعالي شاعر حياه
منابر من فخر ضخت حياها في شرايني

****

مبارك نايف ابوظهير
دولة الكويت

هنا هنا للشعر بعد الغيبه
يشرق عكاظ بساحلٍ ظبياني
رابع سنة يلقى الادب تهذيبه
بعلاج فكرٍ من زمان يعاني
وأنا بعود من عقب تغريبه
بأنافس الفريس في ميداني
بهذي باللي شاركوا بهذيبه
ماني بهاضمها حقوق اخواني
لكن اطمح للنصر واحري به
متوكلٍ بالله و قـوّ ايماني
واقول شطرٍ جاز لي واحدي به
قد قيل لكنه جرى بلساني
الخيل عزٍ للرجال وهيبه
وانا اتعزوى وافتخر بحصاني
ايه والله ينومس وأنا اماري به
لا صار مربط وايلي ظهراني
شاركت والحالة على ماهي به
ياصاحبي حزني غدا سجاني
عندي يقين الموت ماهو مصيبه
والله يرحم شايبٍ رباني
لأنه طريقٍ كلنا نمشي به
مير البلا فرقى تهد أركاني
لكن وضعي ملزم بترتيبه
لازم اقاوم ضيقتي واحزاني
لو كنت احس الوضع كله ريبه
وافواج حزن اشوفها تنصاني
ابسرج حصاني وأبي اطوي به
درب الفخر حيث الفخر ينخاني
درب الصعايب لأنتخيت اسري به
لعيون من في ديرتي يتناني
زرقت رمحي هاقيٍ ما أخطي به
لي عادةٍ في صيدة النيشاني
وإن كان اخطي للهدف ما صيبه
من حق جمهوري إذا يشناني
أقسمت ما أبدل نجاح بخيبه
والله لأضيق خلقهم عدواني
و الفعل يذكر و العرب تحكي به
و الذكر يبقى و البنادم فاني

****

لافي جاعد الظفيري
البحرين

ارخي عنان الفكر واسرج من افكاري قصيد
واقوم الاعب مهرتي هذا وانا خيالها
المهره اللي لا حشى ما ردها الريح الشديد
تمشي تسابق خطوته تبي رضا رجالها
كحيلتي لا سلهمت تبحث عن المرمى البعيد
دايم تهيض خاطري لامن ذكرت خصالها
كل ما طلبته حاجةٍ تطيعني طوع العبيد
وإليا امرته نفذت كن الأمر يحلا لها
المهره اللي لارتكت يقرب لها الدرب العتيد
كل ما نخيته جاوبت هذا من اردى افعالها
دايم تسلي خاطري لامن طرا الحزن العنيد
لامن طرت لي غربتي حالي غدا يرثالها
في غربتي كني طفل يتيم بالدنيا وحيد
يجهل تصاريف الزمن وهو عجز يقوا لها
يبكي بسبة غربته ويصيح واحزانه تزيد
همه يواسي غربته وهي تزيد اثقالها
في نظرته ذل ورجا وبخاطره حلمٍ وليد
وبخطوته خوف واسى هذا وهو شيالها
يا صاحبي شف غربتي نيرانها فيني تقيد
تشعل معاليق الحشا وهي تزيد إشعالها
ذكرت لي وقتن مضى يومي مع ربعي عقيد
يوم الليالي الدامسه ماروعتنا اجبالها
واليوم شف يا صاحبي من غربتي كني زهيد
الغربة اللي وان صفت وشلون أنا بصفالها
حب الوطن يا صاحبي يبقى هو الحب الأكيد
نذرٍ علي وإن جيتها لأسجد وبوس ترابها

****
يتبع