[align=center]
يا قلـب لا تركـب علـى صهـوة الريـح
الــلّــي نسـايـمـهـا تـثــيــر الـقـريـحــه

يكفـيـك جــرح الـعـام بـيـن المجـاريـح
ضـاقـت علـيـك الـواسـعـات البـريـحـه

بعثرتـنـي مـثـل الـسـحـاب الـمـراويـح
الـذهـن شـــارد والمـشـاعـر جـريـحـه

مهدود حيل 000آطيـح وآقـوم وآطيـح
عزيـز نفـس ولا رضــا فــي مطيـحـه

وأضحـك مـع العـالـم ولا يمـكـن آبـيـح
باللّـي سعـيـره فــي الضمـايـر قديـحـه

ورمـوش عينـي فـي دموعـي سوابـيـح
غرقـت بـروح (ن) فـي هواهـا ذبيحـه

وأخـلا بنفسـي وأنـدب النفـس وآصيـح
وابــدى عـزاهـا قـبــل مـــا تستبـيـحـه

آخاف تظهر عنـد نـاس (ن) مفاضيـح
نقـاط ضعـف ونـاس تهـوى الفضيـحـه

والمسـألـه مــا تنتـظـر مـنـك توضـيـح
مّـيـت ظـمـا وآرى الـمـوارد شحـيـحـه

وابصر هلاكـي فـي عيونـك مواضيـح
شمـس الهجيـر ونـورهـا وش يزيـحـه

فيـح الشّمّطـري والنفّـل منـك والشـيـح
والـزيـزفـون ونـاقــي الـمـسـك فـيـحـه

وان كان مـا يتحّمـل الوضـع تصحيـح
أرجــوك خــل الـقـلـب فـيـمـا يـريـحـه

ارفق بقلب (ن) عصي حتى النواصيح
وأصغـي لمـن يدعـي وخّلـى النصيحـه

مـالــت مـوازيـنـه وظّـلــت رواجــيــح
مـاطــاح فـــي المـتّـردّيـه والنـطـيـحـه

وان كانـهـا كـثــرت عـلـيـه الـتـلاويـح
قّــل لّــه يــروح وجـعـل ربــي يبيـحـه
[/align]