|
غازي بن عون يرثي طلال الرشيد
رحم الله فقيدنا واسكنه جنات الفردوس يارب
مرحوم يا شيخ الجبل ريف الأضياف**** يا الماجد اللـي مـال جـوده نهيّـا
اللي لطرق الجود و المجـد ميــــلاف**** وعلـى بقايـا مجـد الأجـداد عيّـا
اللي من الأجداد في شخصه أوصاف**** اهـل المكـارم و الوفـا والحميّـا
اهل العطايا مروية حدب الأسيـــاف**** ملاجـي المظيـوم شيخـان طــــيّـا
لراياتهم في قمـة المجـد رفــــــراف**** وفي ظلهـم شاكـي الهجيـر يتفيّـا
وطلال عدّا في حجا كـل مشــــــراف**** ويطمـح لمصعـاد القمـر والثريّـا
وصوف النجابه فيه كلٍ لهـا شـــــاف**** وهو في زهور العمر تـوّه صبيّـا
بالجود اله شفٍ نفل كـل الاشفـــــاف**** ماهـوب غمـر ٍ يقنعـه مـا تــــهيّـا
ابحر بيمٍّ هايـج ٍ مـا لـه اطــــــــــراف***** تلاطـم امواجـه مهـبـه عتـــــيّـا
اله الصبر دانوق والعـزم مجـــــداف**** مواصـل ٍ سيـره صبـاح وعشـــيّـا
لين انه احيا مجد الاسلاف واضـــاف**** لامجادهـم مجـدٍ طليـق المحــــــيّـا
والموت درب ٍ للبشر ياابـو نـــــــواف**** وما صار للمومـن مـن الله محيّـا
واللي يخل الفجعه اضعاف الاضعاف**** موتتك يـا بحـر النـدى هالسويّـــــا
واللي يخلينـا كثيريـن الاحســـــــاف**** موتك على يديـن الخـوارج كذيّـــا
واللي جعلنا نفرك بطـون الاكفـــــاف**** موتك كذيا مـا وخـذ بـك قضــــــيّـا
ولو منهم اخذنا لك فـراش ولحــــاف**** انت وسواد الناس مـا انتـم سويّـا
وقتلك غدر يدم الضماير والالجـــاف**** تقتل علـى يديـن الخـوارج بريّـــــا
اللي لهم في ماضي الهجره اسـلاف**** اللـي قتـل عثمـان واللـي عليّــــا
واليـوم يقتـل فالجزائـر بــــــــــالالاف**** ومنهجهـم الخاطـي وصلنـا هنيّــا
يبون باسم الدين تحقيـق الاهــــداف**** وبـدوا بتفجيـر الخبـر والعلـيّــــا
وفجّر بغرناطـه مهيـن ٍ وحـــــــلا ّف***** وبشبيلـيـا ومجمـعـات المحــــيّـا
وياللي هرم جودك على النايفه نـاف**** المـوت مكتـوبٍ علـى كـل حيّــــا
عسـاك فالمـاوى بجنـاتٍ الفـــــــــاف***** يحـط لـك فيهـا مكـان ٍ علـــيّـا
منقوله
للشاعر
غازي بن عون
|