قصيده
عجبتني وحبيت تشاهدونها

ياقلب في بحر الهـوى ابحرتبـي
والمترفـه مـدة علـي ايمينـهـا

من عقبها والشعر غطـى مكتبـي
قصايدي فيها عسـى الله يعينهـا

يلومني في وصفها واحـد غبـي
بعض العـرب ياشينهـا ياشينهـا

ماشافوا اللي عنقها عنق الضبـي
سبحانـه اللـي ضابـطٍ تكوينهـا

في زينها كـل الجمـال اليعربـي
من مقدم الخطـوه الـى خدينهـا

مرة علي ورمشها يسبـي سبـي
مالوم عيني لا اشبحـت رجلينهـا

يوم اغمزتلي قلـت ياديـن النبـي
سيوف ربعي مطير داخل عينهـا

الله عليها ترجع الشايـب صبـي
كل الصبايا ولعـن مـن زينهـا

اليا جمعـت ام الملافـع والعبـي
معشوقـتـي تقـودهـم بدينـهـا

كل ماضحكتلي قلت وامس اشنبـي
تو مشرقت شمس الضحى من تينها

من جيتها والشوق نسانـي اتعبـي
وقلت اقول ووقفـت فـي حينهـا

قالتلي اطلب وش تبـي يامطلبـي
افـدا حياتـك كلهـا وسنينـهـا

ورحت اقول ابي وابي وابي وابي
قالتلي ابشر قلـت ينصـر دينهـا

منقول

انين الصمت