ومن جهة أخرى نجد شلة الدوافير >> أكرهـ هالشله


البنت(1) امتحان النحو صعب اليوم
البنت (2) اللي يسمعك يقول ماتاخذ علينا الاول اقول واللي يعافيك أكرمينا بسكوتك
البنت (1) والله..صعب ماعرفت الاعراب انا شكيت هو (جار ومجرور) ولا (مجرور وجار)




ومن جهة أخرى نجد سحالي النت>>


البنت (1) امس دخلت الشات ومالقيتك ايش فيك؟
البنت (2) انا داخلة لكني مغيرة اسمي
البنت(1) ليش غيرتيه
البنت (2) مزاجيييييييييي !!
البنت(1) طيب وراك ماتردين على مواضيعك الشينة
البنت(2) واللة مااحد اجبرك تردين على مواضيعي ولااحد عظك على يدك وقال راقبيها
الا القهر مقطع عيونك حطوني مشرفة وانا مسجلة بعدك خخ





وفي مؤخرة الباص نجد الفن والطرب>>


البنت(1) بنات سمعتو شريط خالد عبدالرحمن الجديد والله روعه
البنت(2) بس مو احسن من شريط راشد الماجد
البنت(1) اقول اسكتي بس انت وراشد حقك
البنت(3) ايه والله كلش ولا المرطب اللي حاطه على براطمه
البنت(1) خخ تحمدي الله لا يبتليك




ومجموعة ثانية تتكلم عن الطبخ >> ريحه بصل آند ثوم


البنت (1) اليوم علي المطبخ وعييييييه
البنت (2) اللي يسمعك يقول كل يوم تكرف بالمطبخ اللة يرحم حالي
انا كل يوم عندي المطبخ والغسيل وكل شيء
البنت (1) لا الحمدللة انا مرة بالشهر
البنت(2) ياحظي..الا اقول تعرفين طريقة البسبوسة
البنت(1) مدري..ايه عرفتها انتم تشترون العجين>>>>> في بالها سمبوسة



واما سحالي الميك اب والموضة


البنت(1) شفتي اخت العروس روووووووعة وخصوصا فستانها تهبل مووت
البنت (2) ايه وشفتي الظل اللي مسويته قمة الغباء ليش مسويته تحت عيونها
البنت(3) يابنتي هذه الموضة تو نازلة الاربعاء
البنت(1) اقول لاتعطونها وجهه ماتفهم بشيء
البنت(2) نعم..!! وش تقصدين..لايكون تتكلمين عني....حدك
البنت (3) لا ياماما اكلم زوجة عمي خخ




شلة الددددددددددجه>> مهسترات والله


البنت(1) عطيني الواجب حق بكره
البنت(2) وليش ماتحلينه بنفسك من غشنا فليس منا
البنت(1) مو انتي ناقلته من اللي بجنبك
البنت(2) هاااه
البنت (1) اي..اقول عطيني>>>> يعني اجباري
البنت(2) انا نقلته علشان احنا معزومين في البر