أعذريني لانويت الصد عـن حضـرة جنابـك شاعرك يا بنت عانا من كثيـر الهـم طـاح

وأعذريني لو لمحتي بالمسا طيفـي وصابـك بالكلام اللي يجـدد لهفتـك بـرض المـلاح

وأعذريني لو تركتك تنزفـي دمعـه عذابـك في غيابي ياعذابـي وأطلبـك كـل السمـاح

أنتي مني وأنا منـك ناظـري فينـي غيابـك زود جروحـي قصايـد كلهـا نغمـه نـواح

الزمان اللي جبرني أهجـرك بـأول شبابـك للأسـف انـه طعنـي زود بقلبـي الجـراح

كل ما قلت ابتدينـا انتهـى دربـي وجابـك للنهايـة والبدايـة مالفـت مثـل الصبـاح

للأسف رحله غريبـة قفلـت بابـي وبابـك حطمت كل المرايا واكسـرت فينـا الجنـاح

اسمعي كل القصايـد سقتهـا تسكـن كتابـك والعطر فاح بشذاهـا وأنفتـن منـك وفـاح

واسمعي كلمة احبك رفرفت تسكـن سحابـك صغتها بارض ألمحبه في وهج همس المزاح

واسمعي قلبي وهبتك بالعشق يرفـع نصابـك وارتمت روحي تحبك في زمن صاغ النجـاح

واسمعي دامك ذكرتي بالعشق اتبـع سرابـك وما جبرني للمفارق يا لغـلا غيـر الكفـاح

منقول