{ شهيق

آآآخذ نفس .. أغمّض عيون واذكرك ,
وتطيح في صدري من الحزن غيمة

ياغايب [ إرجع ] خبّني وسط دفترك
عن عين جرحي / أمنياتي السّقيمة

قلّ للغياب اللي خذلني | بليّاك
لا عاد يشره ليه خنت .. انتظاري !


الليل .. يحبس مابقى من بقاياك
والصّبح يشرق كِنّه | إنسان عاري


مدّيت كفّي وصل / ردّته دنياك
لين إختنقت .. وطاح فيني جداري


كان الحلم .. عمري أقضّيه ويّاك
مات الحلم .. قبل ابتسامة نهاري


ماعاد يغري أي شيٍ لِـ [ لقياك ]
دمعي .. عتابي .. شمعتيني .. وداري


صعبة أعيشك شخص منفي من اشياك !
سهْلِ بْ يدينك طعنتي .. وانكساري ،


قلّ للغياب اللي هو | أعظم خطاياك
ماعاد أحس بشي غير .. احتضاري

زفير }

أغيب اشْلون !
وإنت آخر [ نفس ] فيني !