غلطة وحده ولايهمك واعتبرني ما احس ~
انت قلبك دوم يغلط جت على هذي وبس
مافي داعي لاعتذارك هذا جرحي وفك بابه
يكفي اني من عذابك صارت اجروحي تشابه
تغلط ابحقي واسامح وانت ماهمك رضاي
مدري اخطيت بشعوري ولا انا اخطيت ابغلاك
دلعك قلبي ش سوي مابي الارضاك .

لا تغرك الدنيا وتصبح عديم أحساس
لا تحس يوم أنك أصبحت فوق الناس
حاسب من أفعالك من دعوة المظلوم
اللي بنيته سنين ممكن يضيع بيوم
الوقت مايصفى والدنيا دوم أتدور
اليوم مع غيرك بكره يجيك الدور

لك عين تتكلم بعد ما تسببت
بجروحي وتسأل بعد ويش سويت
اخطيت في حقي ولا كنك اذنبت
اللي يشوفك ما يقول انك اخطيت
انا احسب ان عقلك تعافى وقد طبت
اثرك على نفس العقل ما تعافيت

ما درت عن حبها ياليتها تدري
ليتها ياليتها لو قدرت مره
ان قلبي من كثر شوقي ملا صدري
وان صدري من كبر قلبي نفذ صبره
من ( صباح الخير ) لين الشمس ما تسري
ومن ( مساء الخير ) لين نصير في بكره
والغلا في داخلي مثل النهر يجري
ليتها تدري بغلاها داخلي شكثره

من وين جيت وين صرت وكيف قلبي فيك ذاب
فجأه لقيتك داخلي بالله قل من وين جيت
معروف قلبي عادته يلعب ولكن معك تاب
مافيه داعي للعب ما دام للقمه رقيت
يالي مرشح يالغلاء في داخلي دون انتخاب
الصيت صيتك ياغلاي وما بعد هصيت صيت

يا ليت ان الزمن يرجع ورا و الا الليالي تدور
و يرجع وقتنا الأول و ننعم في بساطتنا
زمان أول أحس انه زمان فيه صدق شعور
نحب ونخلص النيه وتجمعنا محبتنا
زمن مافيه لا غيبه ولا حتى نفاق وزور
ياليته بس لو يرجع ونسترجع طفولتنا