يغفر الله للحبـــيب اللي تركنـــي في سهـــادي
ماهقيت أن الغـــلا و الحـــب بعيــــونه تــــجلاّ


ما حفظ معنى العهود و لا عرف معنى المبادي
غرته دنياه و بلــحظه نســى العــهد و تخـــلاّ


عشت بوهامي و جتني صدمتٍ هزت فؤادي
كنت أنا عنـــده مجرد واحـتدٍ فيـــه يتســـلاّ


آآآآآآآه من هالليله اللي كان يغشاها السوادي
ليلةٍ فـــيها خـــفوقــي مــن معالـــيقه تــدلاّ


ليلةٍ كانـــــت مـــثل حلـــمٍ تبعــــثر في رقــادي
وقتها ماني مصدق و أحسب أن الحــــلم حــلاّ


ليلةٍ فيها الأيـــــادي ودعت ضــــــم الأيـــــادي
كأن الأرض انشــــقت ولا عينت رجلي محــــلاّ


كنت أجاهد في هواه و كنت مؤمن في جهــــادي
و أستلذ بجور طعــــــناته و لو ظلمـــــه تبـــلاّ


قلت له : ترضى علي جرح المفارق قال : عااااادي
قال لي : ترضــى علي حكي الأوادم قـــــــلت : كلاّ


جيت أصوت له ولـــــــكن لا حياه لمــــن تنــــادي
صد كنـــه ما سمعــــني و أحرق الخــــــافق و ولاّ


و استدار و خطوتـــه كانت عجـــــوله في بعـــادي
و أضحك و دمعي على خدي و أقــول انه يتـــــغلاّ


رحت كن صمت الطريق يقول لي وين أنت غادي
تايـــهٍ مالك جهــــــاتٍ والصـــــبر فيك يتحـــــلاّ


يمكن الفرقا تريحـــنــــي و تشفــــي لي فؤادي
دامني عنـــــده مجــــرد واحــــدٍ فيـه يتســــلاّ


لمست أحاسيسي المتواضعه فكانت هنا
على الله ماتلحق اللي قبلها على المكرر
العيون ماشااء الله عليا أربع أربع ههههه
تحيـــــــاتي للجميع