اه يـا شبـاك ريـم اللـي مقابـل للحديقـه
كل مانامت عيـون النـاس صحينـاك معنـا
تستلـذ بهمسنـا المجنـون ويبللـك ريـقـه
تحتمل نار العتاب وتوجعـك دمعـة وجعنـا
كم غسلنا وجهك النعسـان بالدمـع وحريقـه
كم على عيونك تقاسمنا الوصال ومـا شبعنـا
وكم رسمت احلامنا في قلوبنا صدق وحقيقـه
كم صدقنا في مواعيد الغـرام وكـم رجعنـا
اه يا شباكها الغرقـان فـي العيـن الغريقـه
كيف مرت خطوة العمر الجميل ومـا سمعنـا
وكيف طاح الليل في كاس الوصل واخفا بريقه
وكيف نفس الموعد اللي قد جمعنا ما جمعنـا
منهو اللي خان من غير عن احبابـه طريقـه
أنـت ياشباكـهـا ولا بــداوة مجتمعـنـا !
او انا او هو زمن( مهدي )حبس وجه الطليقه
ليـن كفّنـا بقايـا أحلامنـا فيـنـا وطعـنـا
اه ياشباكهـا فرقـى الحبايـب مـن يطيقـه
ومن يطيق الحب لاضاعت مواعيده وضعنـا
واه ياشباك ريم اللي شـرب وجـه الحديقـه
ذبلت زهور الغرام وضاعت الاحـلام معنـا