يادش يلي بك جميع المحطـات

تجيبها من كل دولـه وديـره

يادشنا ماتقدر تجيب لقطات

عن واحدٍ بالقلب شب السعيره

ترى مدار البيت صوب العرب سات

وانته على صوبه وتمشي مسيره

بلغي جميع البرمجه في المدارات

ولا بي تردد غير زين العشيره

هذاك من عينه تجيب المنيات

ياحظ منهو في حياته خشيره

اصبحت مثل اللي مريضٍ والا مات

موته على قبر المنايا يديــره

ودي بشوفه دوم في كل الاوقات

روحي بعد عمري غزال الجزيره

وان كان ماتقدر ولا به مجالات

مابيك يادشٍ علومك كثيره

بشغل الرادو وبرسل رسالات

وكتبله الموضوع قصه قصيره

واهديه شوقي وكل التحيات

وقول يرفق لا بعذب اسيره