هذي سحابة دمعة الذنـب غطتـك

سالت على جرف الظلوع الهزيلـه

فاضت على خـدك وبلـت مخدتـك

حتى حكـت للنـاس انـك قتيلـه

يامـا تفننتـي بقتلـي ببسمـتـك

وياما ربطتـي خافقـي بالجذيلـه

كنت اتمنـى اصعـد لحـد نجمتـك

والمح نجوم الكون عنـدك نزيلـه

وكنت اتمشى في حمى ارض ديرتك

وارسم على الجدران همي وازيلـه

قلبي طعنه السهم والـدم قسوتـك

وحرف الاسى والجرح صدرك يعيله

سكة عذابي شوك من ورد طعنتـك

في وسطها دمعات رمشي هميلـه

يامجرمة حرب العواطـف بفتنتـك

دارت رحاك وحظـي اشتـد حيلـه

هذي جروحك والهدايـا ورسمتـك

وهذي قصائد عانقـت الـف ليلـه

وهذا نزف ناظم شكا الجرح سبتـك

وهذا صدى صوته صرخ منك ويله

امواج هجرك تصطفق وسط نظرتك

والغدر بحرك وانحسر معـك ذيلـه

ارجوك ملت نفسي اليوم همستـك

ماعاد صوتك يجذب القلـب ميلـه

مادام جرحي صاير اليـوم نغمتـك

اذا طلبت ارضـاك قولـي حليلـه

انتي تبي قتلـي بهمسـك وفتنتـك

وانا عزيز النفـس قـدري اشيلـه

روحي مع غيري وعيشـي بدنيتـك

امـا انـا شـرواك لازم ازيـلـه

ياللي سحابة دمعة الذنـب غطتـك

سالت على اظلاع غـدر الدخيلـه

قبرك نصبته داخـل احـلام كذبتـك

موتي عساه القبـر كذبـك يطيلـه

والليل يرفض تشعلي فيه شمعتـك

عيشي ظلام الليل وابكـي رحيلـه