يآنـي أحبْ الوقت وسكونَـه ..
............... أعطيه كلي لو عَطَشْ أو جاعْ ..
ورغم العَطى هالوقت ظالمني ..
............... تغصْ بي الفرحة وأبلَّها أوجاع ..!

تَعبتْ أحلَمْ ..!
أبي أنسى عنآ هالكون , في قُربك ..
أبي أرسم معاني الطُهر , في حُبكْ ..
أبي أسكن وَطن عمُري , أبي قَلبكْ ..
أبي أحيآ حيآتي غير ..
ويعيش الحلم فيني بخير ..
وأرسمْ صورتكْ لِ الطير , ويهمس لك أنا أحبك ..!
........................................ .... أنا أحبك ..!
........................................ .......... أنا أحبك ..!

يآ صاحِبي طالْ السُفر .. والمدى خوفْ
وأعيى النَظَر طولَه وشآهَت جفونَه ..
وأرضَ السفر ظلمة .. ولا عاد بي شوف
من هو غدى يقوى الظَلام وجنونَه ..!
والليل خآوى الهَمْ .. وأوجاعَه ضيوف
وشلون أرد الليل .. والضيف دونَه ..
ذاكْ الزمن يآ صآحبي .. كلَه جحوف
يهديك مايه سمْ .. يغريك لونَه ..
أهداني من فيضَه عنآ .. قيضْ مزيوف
سرحت جنحاني .. وهيج سكونه ..
بنيت له فيني وَطَنْ .. داخلْ الجوف
ما ضقت من جورَه وقسوَة طعونَه ..
الدار صَدري ومشرَبَه أطهَر كفوف
ليت المسآقي مثل يدي حَنونَه ..
جيتَه أنَا حالمْ .. من الهَمْ مخطوفْ
عافْ البراري وضاق بالحيل كونه ..
حلمَه مثلْ بآقي البشر .. حيل مألوف
كل الخلايق .. ضلَها من غصونَه ..
حلمَه فلانَه تسكنَه .. روح و ريوف
ويسكنْ فلانه .. ووعدها له تصونَه ..
حلمَه يغطيها بعفافَه .. عن الشوف
ويعف نَفسَه عن مسواي ضنونه ..
طاهْر بحبَه , شآعرٍ .. نَبض وحروف
خآوى الزمَنْ .. وأزرى يزل ويخونَه ..
وأهدآه ذاك الوَقت من قسوتَه خوف
سكَه طويلَه ما بها من معونه ..
يمشي طريقَه تآيهٍ .. مثل مكفوف
حلمَه رموش العين .. والغيد نونَه ..
يآ صآحبي هالوقت ما مد لي كفوف
مديت كَفي .. ورآح والكَف دونَه ..
بآدلني كفوف الوفا .. سَلَة سيوف
غور بها جراحَة .. وزود خشونه ..
جيته عنى حالمْ .. وقابلني بجحوف
وش حيلتي لا صرت كلي مرونَه ..!

تعالي نحب ..!
تعالي نغتسل بالورد ونتعطر , زهر ..
تعالي نعيش كل لحظَه بدنيتنا دَهر ..
تعالي نقضي ليلتنا - من الفرحة - سهر ..
تعالي نبتسمْ لِ الشَمس ..
وننسى كل هموم الأمسْ ..
ونهمس للغيوم بهَمسْ , وتسقينآ مَطَر ..!
.................................. مَطَر ..!
..................................... مَطَر ..!

من هو يداري دنيتَه مثلي ..............
تسقيه مُـرٍ لو غَفى أو هام ..
ولامن نوى يثريهآ بِأحلامَه .. ..............
يبلّْها بِالهم ويشربها أوهام ..