|
قالت وش احلىا مايقول المحبــــين .....
قالت : وش احلى مايقول المحبين ؟
..............................ساعة لقاهم بعد غيبه طويله
قلت : اصبري ، قالت : انا اقولك زين ؟
............................. قلت : اتمنى ماتكوني بخيله
قالت : عسى موتي على يديك هالحين
............................. ان كان قيلت بين خل وخليله
قلت : احبكيها صح ياقرة العين
............................. قلبي يبيها صدق تشفي غليله
قامت تفكر !! قلت : يالله ، وبعدين
........................... كن اصبعك طوّل بلفّ الجديـــله
! قالت : كليب !! وقلت : خير ! شتِقولين
............................. قالت : رجع !! وشو شعور الجليله
قلت : اليمامه ! ماهي اقوى تحسين ؟؟
............................. من يوم مات جبير صارت هبيله
وشبك سكتي ؟ ليه قمتي تلفّيــــن
........................... قالت : اخاف ان قلت تطلع ثقيله
أخاف اقول وكلمتي تجرح الدين !!
.............................. واشيل ذنبٍ مقدر اني اشيله
استغفر الله وين وصلتنا ويـــــــن ؟
............................ وانت تعرفني والاصيله أصيله
ضمت يديني .. قلت: توك تحنيــــــن
............................ قالت يدينك بس ؟ هذي قليله
يوم احضنتني * دمّعت ، قلت : تبكين
............................ قالت : واظن الدمع (أصدق وسيله)
ردّت ، وقالت : وشعذاب المحبـــين ؟
........................... قلت : الغياب ! وفي عيونك دليله
|