غرامن مات في عينك على فرقاك يغريني
على امرك يابعد نبض الخفوق وهاجسي ومناي
مدامك ماتبي وصلي أنا وش عاد يبقينـي
أبحفظ مابقى لي من كرامه وأستحـث خطـاي
على درب الغياب ووين مـاودى يودينـي
واذا هفهف على صدري هواك وحدني لاقصاي
دعيت الله يطمن في بعادي قلبي وعينـي
وطلبته مثل مامكن غـلاك وركـزه بحشـاي
يشيله من معاليقي قبل لا الوجـد ينهينـي
ولعلمك لو عرفت إني أبثني رغبتك برجـاي
أموت ولا ترجيتك وقلبـك بايـرن فينـي
لو انك قلتها تبغـي تشـوف معزتـك جـواي
أو انك قلتها ساعة غضب والذنب كاسيني
لاجيك بكل حيلاتي من ايام الصبـا لـتـلاي
واشري رضاك لو كان المقابل باقي سنيني
ولكن مالمسته بك قتل حتـى العتـب بشفـاي
غرامن مات في عينك على فرقاك يغريني
حسافة كنت احسب انك تقدر طيبتـي ووفـاي
وعلى اقل احتمال تراعي اللي بينك وبيني
توقعت إنك أخلص من عرفت وشفت في دنياي
أشك بكل من حولي ووحـدك ماتخلينـي
طلبت البعد في وقتن أبيك تكـون بـه يمنـاي
بعد ماجارت ايامي علي وحـارت يدينـي
ولايخفاك صكات الزمـان وماحصـل ويـاي
ولو مافي يدك حاجة وجودك كان يكفيني
توفي لو بعض دينك إلين آقف علـى ماطـاي
لعل يكون لي صبر ن على الفرقا يقدينـي
على كل حال ماينفع ملامي لك وكثـر حكـاي
عن اذنك برحل لدرب الغياب اللي يناديني
قصيده كلها رائعه من اولها لتاليها

انفال سلمتي على رؤؤؤعة الطرح

وسلم ذؤؤؤؤقك الراقي

لاعدمناك