|
..تعآل واجمعني سحآب وهلني ..
/
\
/
صــباحكم فـل وياسمين
....
ياسيدي يا عبدي الحر الأصيل
صمتك يرتبني حكي ياعلـــّـني
أقدر أفصـّل لك من الحكي الطويل
فلا تقاطعني رجاءاً خلـــّـني
ودي أفضفض مابصدري لو قليل
وأجيك عقدة مبهمة وتحلـــّـني
الوقت لو حاول يخليني ذليل
أموت جوع ولا الزمان يذلـــّـني
مجامل همي وصار أصدق زميل
والهم من سن المهد محتـلـــّـني
صحيح إني شيء شبه المستحيل
وصحيح يضميني عبث ويعلـــّـني
لكن قناعاتي وراء الصبر الجميل
تحلف على ربط الحزن ويفلـــّـني
ياسيدي مافات خله حلم ليل
وعن مايذكرني همومي شلـــّـني
بُــعدك كذا علة وأنا مبطي عليل
والناس وظروف الزمان تعلـــّـني
وقربك سبيل ودامني عابر سبيل
تعاااااال وإجمعني سحاب وهلـــّـني
تعال لبـّـس رأسي التاج الجليل
وعلى معاليق الضماير ولـــّـني
تعال شرّق بي قبل رأسي يميل
تعال يابحر الغروب وبلـــّـني
أيوه تعال .. إقرب هنيا .. حيل حيل
سلال بـُـعدك يامليكي سلـــّـني
وإذا لقيت إن الغلا دمه ثقيل
(( زد غب تزدد حب )) قبل تملـــّـني
وإن كان جيتك ضايق ودمعي يسيل
خذني على صدرك شوي وسلـــّـني
بـُــعدك عذاب ولا يـبـي طبعاً دليل
وإن كان ودّك تطلبني دلايل خلـــّـني
أستشهد بشطر من الشعر الأصيل
كيف السبيل إلى وصــالك دلـــّـني
ودمتم بكل خيير
لآرواحكم العذبه ..
/
\
/
|