تعبت اصبر على جرحي تعبت وما بقابي روح
قتلني الوقت بظروفه ذبحني وجفف انهاري

أخفي علتي واسكت وانا في داخلي مذبوح
أجامل وارسم الضحكه وانا قلبي على ناري

أحاول والله يعلم بي ياروحي بدمعتي لا ابوح
أداري الجرح وأتهرب عن اللي يسأل اخباري

أقول بخير لكني جريح وفي حشاي جروح
صداها لو دفنته يوم يبين سنين بانظاري

صرخت بحسرتي يكفي صرخت بصوتي المبحوح
انا يا حبي وش ذنبي عشان
آقدم أعذاري .. ؟!!

تبعثر حلمي قدامي وغديت بدنيتي منزوح
وقفت أبكي على جرحآ يشتت كل أفكاري

أمني النفس واخدعها وأقول إن كربتي بتروح
وهي والله مولوده قدر بأرحام أقداري

قتيلآ والبقا براسك بدنيا مابها مصلوح
قتيلآ والبلا منهو ياعمري ياخذ بثاري

أنا بابقى ضحية حب أعاني والعنا مفضوح
دعيت اللي خلق يرحم رجيته ربي الباري

أبي أسعد انا بشوفك قبل نزعه توافي الروح
قبل ماارحل عن الدنيا واروح لآخر دياري

تعبت اجاملك حبي واخبي صوتي المبحوح
تعبت اكذب على نفسي واقول اقوى على ناري

أحبك وأرحم أحوالي واذا موتي تبي مسموح
دخيل بقلبك القاسي ترى قلبي
بكى عاري !!

أنا باحمل صديد الجرح بباقي وقتي المجروح
وإذا وافتني الساعه ترى ها الشعر تذكاري

رثاني دمعي الطاهر بصمته مارضى بالنوح
رثتني قسوة الدنيا ورثتني حتى أشعاري

و تركت اللي ذبح قلبي وعشته بالخفا مشروح
لجل مااضعف بعين اللي سألني وش هي اخباري