الجرح يكبر معي ..والناس مشغولة
واللي ابيهم مشوا ..واحد ورى الثاني

الليلة ياطولها ...والدرب ياطــــوله
واللي ورايه..أحس أنه تعــــــــداني

الوقت لامن تغير هذي فعـــــــــــوله
إما لعب لعبــــــــــته والا تحـــــداني

أبواب إمقفله ..ودروب مجهــــــولة
وإذا تبي كل حاجة ..لازم تعداني

كلام ابقوله ..لكن ماقدر اقــــــــوله
أشياء في خاطري توقف على لساني

غلطة..ومن صاحبي ..وأقول مقبوله
مرة علشانه ومــــرة علشــــــــــــــــــاني

والمشكلة لو تطول شــــوي محلولــــــه
عشان مايشمت القاصي ..ولا الداني

تكفون... وانتم إليا جيتوه ..قولوله
إني اعزة كــــــــثر معزة اخوانــــــــــي

معقوله ينساني ؟؟لاماهي بمعقـــــوله
حتى الشعروقتها ماراح ينســــــــــاني

فلة حجاج ..وقصيد..وصوله وجوله
يعني متى ماتذكر شئ ..يلقانـــــــي

ماشلت هم الشكوك الدايرة حوله
والا الخوي لاتردى..قلت يفداني

مرات احس إني حاكم تنقصه دوله
ومرات مدري من اللي ينقص الثاني

للشاعر: عطا فرحان