لي صاحبٍ بالزين كل حكى فيه

ثقل وعقل وأوصاف حلوة غريبه

ريم الفـلا شعره طـويلٍ معنيـه

اسمر صغير السن قلـبي صويبـه

الزين كـله بالبشر مـا يسـاويه

راع العيون اللي هدفهـا تصيبـه

هي قايد الغزلان وهن من حواليه

كل العـذاري من جمـاله تعيبـه

تغار من زينه وصـارت تعـاديه

عن جملة الغزلان عنقـا عجيبـه

ياجارحٍ القـلب العنـا ما تداويه

انته جرحت القلب وانتـه طبيبـه

جرحك وحبك ياحبيـبي مخفيـه

والجرح في قلـبي وطبه طبيبـه