منتديات بعد حيي - عرض مشاركة واحدة

معرض الوسام · 03-05-2010, 03:12 PM

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4," type=2 line=0 align=center use=ex num="0,black""]
اشـوف الـربـع باعـونـي وبـعـض الناس مايـنـباع=الا واشـيـب من يرجي فزوعـه من حمام الدور
اذا جيت السنع صعب تـلاقـي بالرفـيـق اسناع=وعند الـلـعـب ما يـاقـف معك داعم ولا جمـهور
لو انـي بـاذر زرعـي عـلـى جـال الـنهر ماضـاع=ولا قـمـت ارتجـي زرع بـقـيـعـان العـطش مبذور
اخـبـر الـنـاس ماتبذر زروعـه في مـلاح الـقـاع=وقلت الـعـلـم صار اليوم في كل الـعـرب مشهور
وصـار الـربـح والمحـصـول ماياصل ثـمـان اصواع=ولا يكفي مخـاسـيـري وجـهـدي من ثـمـان شهور
واخـبـر الربح والمكسب هوى الشاري مع البياع=وراع الـذود قـطـعـانـه تـريـد الـوادي الـمـمـطـور
وانا شديت مع بـرق شـعـاعه لـلـعـــرب خــداع=ومن يتلي بـروق الصـيف طاح بـعـنـة الـمجـدور
ومن يرجي براس الـظـبـي بدهـور الزمان اطماع=يـلاقـي بـالـعـرب قـصــة شـجـاعـة عـنـتـره والثور
وهذا حـق مـن يـسـمــع ويـبـصـر بـس ماينـصاع=وجــاه الـشــور لـكـنــه عـنيدٍ مايـطــيـــع الـشــور
مـع انـه يـسـمــع الاخـبـار بـالـشــاشـه وبالـمذياع=وشاف الكذب والجـحـدان بالـعـالم غدى له طور
وطاوع من يقول ان الـشـمـالـي مايـضـيـق بـساع=وقال ان الـدجـى الحـالـك يجـي بعده شعاع النور
واقول ان الشمالي ضاق مع نصف وثلاث ارباع=وصـار اليوم بالـضـيـقـه وعاصوف الغـضب مجبور
يعاني هاجـسٍ يـنـزل عـلـى الصـدر الكتوم انواع=وفـوقـه غـثـة اللي غـاب زولـه من شـهر عاشور
عـشـيـرٍ نـظـرتـه نـظــرة غــزالٍ داج بـالـمــربـاع=اذا هـب الهواء صوبـه وراغ عن العدى مذيور
وجـسـمـه جـامــعٍ ريــح الـنـفـل مـع ريحة النعناع=وريح الـمـسـك والـعـنـبـر وفـوح الـورد والكافور
رجـيـتـه بـس جـور الـوقـت بحـبال المها ما طاع=وحكم الـغـيب واقداره عن عيون البـشر مستور
ومن يـرجـي من الـعــالـم طـعـامـه بالـتـوالي جاع=وطـبـع الـنـاس مـجـبـولٍ عـلـى الـغيره وكثر الجور
ورزقي من كـفـوف اللي يسوق الـمـزن بالذعذاع=هو اللي كـافـلٍ رزق الـعـبــاد ولافـح الـعـصـفــور[/poem]