خذي باقي غرامي لك عطيني روعة الاحزان

أنا عشت الحزن لاجلك شعوري فيه يحيني

غرامي بك لحن موجع شدابه طاير الاشجان

أنا دمعة عذاب وشوق وكل الناس تبكيني

أنا مدري صديقٍ لك قريبٍ لك من الاخوان

عطاك اعلوم كـذابه وحاول يخدعك فيـني

سمعت بهرجهم عني يابرق في دجى الامـزان

ودمع الزيف بعيونك معاد اليـوم يرضيـني

أنا قصة هـوى عاثر في دنيا كـلها خـلان

صحاري عمري عطشانه وسراب الوهم يرويني

أنا آآآآه طفل محزون أنا دمعه على الاجفان

عذاب الصمت جرحني وعذابك ثابت بعيني

يا نبض القلب في صدري خفقها التحنـان

أنا مالي غني عنك وجروحي منك تكفيني

يا جمل ماخلق ربي يالوحه صاغها فنـان

يا بدرٍ في سواد الليل ياضحكة صدق تشفيني

أنا بصدر الالم ذكرى غريبه كلها حرمـان

أنا لاعشت ايامك احس الموت يطويــني

خذيتك بخاطر العشره بيدي لشاطي النسيان

ورجعت لوحتي وهمي وعذاب الروح مشقيني

فمان الله ودعتك يالوحه في صدى الوجدان

فمان الله ودعني وجروحي منك تكفيـني