السلام عليكم ورحمه الله وبركاته

أخواني وأخواتي رواد الشعر

أقدم لكم هذه القصيدة

وأتمنى أن ترتقي لحسن الذائقة لديكم

وأن تنال إعجابكم وإستحسانكم

*****************************

يااللي نسيت الوعد مانـي بناسيـك
...............الشاهد الله واللي اتشوفـه بحالـي
عامين لي والقلب يلهيـج بطاريـك
...............ماغيرتنـي عنـك سـود الليالـي
نامت عيون الناس وعيني تراعيـك
...............اشوف وجهك بالقمر والقمر عالـي
واتخيلـك منـي قريـب واناديـك
..............واسمع صفير الريح واجفل جفالـي
لو فارقتني الروح روحـي تباريـك
.............صون العهد يازين وارفـق بحالـي
كل الخلايق علـى زينـك تهاويـك
.............وما كلهـم معـدود بيـن الرجـالي
لا يغرك اللي يبيع حبـك ويشريـك
............وعند المصيبة راح شبـه الغـزالي
حطيتك بعيني بروحـي انـا افديـك
............واخترت زولـك بيـن كـل الازوالي
اخلصت لك والقلب مرهون بايديـك
............وارخصت لك كل شي بالنفس غالي
ظليتك من الشمس ومن برد ادفيـك
...........ولو تنشرى لشريك في كـل مالـي
لو ابغضوك الناس مانـي بعاديـك
...........لا والـذي سـواك بـدر الليالـي
لو ردتني بالحال تامر وانـا اجيـك
............العمر ضـاع ومنـك راح الـدلالي
ام كنت ورد شوكك انـا وبحميـك
............جوا الرمش يازين محفـوظ غالـي
بلعون ماهقوتي يـوم التقـي بيـك
..........واعمارنا ايامهـن ماهـن طـوالي
هذا العمر مثل الشهر ينقص ويهفيك
...........ومثل اللوالـى رايحـات التوالـي

سكـــود الشمالــ