منتديات بعد حيي - عرض مشاركة واحدة

معرض الوسام · 03-13-2010, 10:22 AM

هذي قصيدة للمبدع ( أنور المشيري )
إحساسه يفوق الوصف ،، ومفرداته عجيبة

كنت أظن هالدمعة اللي وسط عيني
و أنت رايح جت معاي تودعك

لين طاحت مني كنها ما تبيني
من غلاتك ودها ترحل معك

هذا قلبي ، وهذي عيني ، وذي سنيني
ما يبونك ترحل و كيف أقنعك

حتى روحي واقفة بينك و بيني
لاهي عندي ولاهي تقدر تمنعك

خذتني كلي أنا وش باقي فيني
خايف أوقف وألقى ظلي يتبعك

روح و سافر بس طلبتك يا ظنيني
على الأقل لو ما أشوفك أسمعك

روح وسافر بس توعدني تجيني
وأنت سالم للي ينطر مرجعك

أما عني روح ولي رب يعيني
الله يعلم كيف حال مودعك

صرت أحسد من كثر شوقي وحنيني
حتى هذا الخاتم اللي باصبعك