منتديات بعد حيي - عرض مشاركة واحدة

معرض الوسام · 03-14-2010, 01:55 AM

من روائـــع الشـــاعر محمد السراهيد الشمـــري
[poem=font=",6,silver,bold,italic" bkcolor="black" bkimage="" border="double,4,gray" type=0 line=0 align=center use=ex num="0,black""]
لاني من اللي يكتبـون المكاتيـب=.ولاني من اللي احتسى الكذب زاده
متوازن وحتسيـي ارتبـه ترتيـب=من دون نقص ولا حصل به زيـاده
ساطي على الساطي وسوطي مخاليب=.وطيب على الطيب لذعذع بـراده
احداً بعيني فوق ذيـك المراقيـب=.واحداً بعينـي مايسـاوي جـراده
يابنت من يعلم عن الوقت والغيـب=.حتى الكلام الصح يبغـى شهـاده
يابنت كم مره عوى حولك الذيب=في ليلـة انـك تلبسيـن القـلاده
يوم الزهر ياخذ من ثيابك الطيـب=.ويوم الثقه اعطتك تـاج السيـاده
ويوم الابو يفخر بفعـل المواجيـب=.والوالـده تتعـب بحمـل وولاده
بيت ودفى به رطب العطف ترطيب=مع كل هـذا تعشقيـن القـراده
يابنت انا ماحب زراعـة الشيـب=انـا بثـور طلقتـي مـن زنـاده
من يطلب الرذله تجيـه المطاليـب=.ومن ذاق زاد الناس بتـذوق زاده
اعوذ بالله منـك يامـدور العيـب=.واعـوذ بالله مـن مخاطـر عبـاده
اتعب على الواجب ورد المواجيـب=..ولا ادور الجمره ببطـن الرمـاده
وانا شموخي فوق روس الشخانيب=العـز والتقديـر حنـا بــلاده
جيتك ادب جيتي تصنع وتجريـب=.جيتك حكيم وجيتي اكثـر بـلاده
جيتكم حشيم وجيتي بطرق تعذيب=جيتي ولا جيتك ملى الراس قـاده
لاعاش من شجع على هيك تسييب=.ولاعاش من حشم اهل هيك عاده
عتبي على الجيعان بمعاشـر الذيـب=.لاجاع ذيبه جـوده فـي جـواده
وياعين هذا اللي تخطى مصاعيـب=هي كارثه والنصـح زود عنـاده
يابنت انا ماحب كثـر التلاعيـب=واعرف انا درب العناء والسعـاده
مبهم ومتحفظ ولا احب ماجيـب=.واعشق عنادي لو تعـدى زيـاده
اموت ماقيم رجالاً علـى الجيـب=اقيـم الرجـال وش هـو مـراده
لاترتجي جرحاُ وصل منـي يطيـب=.ولاترتجين اخضع اذا الحب سـاده
سيدي انا وانا سعـوط المراعيـب=لاشم ريحي ذيـب غـص بفـواده
الصدق يكفي عن كثير الاساليـب=.والكذب يبقى وسط قلبه سـواده [/poem]

صح لسان الشاعر محمد السراهيد الشمــــري