ماتغيرتي .. !!

غبت عنك من حوالي جرح وطعون ودموع


وماتغيرتي .. !!



كل شي حولك تغير

كل شي ماهو بمكانه


الشجر صار أكبر

الشوارع صارت أكثر


حتى انا اللي كنت أسمر صرت أكثر من أول أسمر


وماتغيرتي .. !!




والطريق اللي حضن خطواتي لقلبك لما ناديته وسلمت


سوى روحه ماسمعني

سوى نفسه ماعرفني


تقدري تقولي تكبر أو تنكر

كل هـ الدنيا اتغير


وماتغيرتي .. !!


كلميني .. جاوبيني

لاتصدي هناك وتشغلي نفسك مثل أول

كل ماجيتك وأنا كلي وله

وأنثر أشواقي على كفك وتغسليه


إلا قولي لي ..

تذكري يومك تغني لي؟؟

وتسأليني ماسمعت اللي يقول.....؟؟

وكنت أقاطع جملتك وأكذب:

بس أنتي صوتك اجمل


بطلبك حاجه ,,

دامنا في سوالف هالأغاني


لو عشقتي شخص غيري

لاتغني له عشاني


وهذا أنا جيتك بعد رحله طويله

قالوا إن غبت عن من تحبه


ممكن إنه يفقدك

وممكن إنه يحبك


يعني ممكن يحن

وممكن إنه يتغير


يعني كل شي في البعد ذقته


والأسى اللي تجرعته


والحنين اللي مع دمعي شربته


كان كله لجل "ممكن"


وماتغيرتي .. !!


غبت عنك من حوالي جرح وطعون ودموع


وماتغيرتي .. !!


كل شي حولك تغير

والكذب حتى الكذب صار أصفر و أحمر


والبكا في محجر عيوني تحجر




والطريق اللي حضن خطواتي لقلبك لما ناديته وسلمت



سوى روحه ماسمعني

سوى نفسه ماعرفني



تقدري تقولي تكبر أو تنكر

وماتغيرتي .. !!



آمل أن ترتقي لذآئقتكمـ
ودي لكمـ