مساكم الله بالخير والرضى وأتمنى ان تنال إعجابكم هذه القصيده


إشره عليه وصد وإزعل عليه
إزعل ولا تحلم بجيلك وأراضيك

تعبت وأنا اعدل بين هذي وذيه
آخذ جفاك ومن وفاء القلب معطيك

اصلا" أنا مليت ماعاد فيه
أحمل بلاوي القلب وأحمل بلاويك

أثرك بلا ذمه ولك كم نيه
نيتك سوداء والرديه تخاويك

أسقيتني مرك ونفسي شقيه
وأحرمتني بالغصب من شرب حاليك

مدري نسيت أيامنا الأوليه
ولا كبرت وصار قلبك يهقويك

الله يعلم ويش سويت فيه
والله يعلم ويش أسوي أنا فيك

كنت أدعي المعبود يحفظك ليه
وأقول من قلبي عسى الله يخليك

كنت أتمنى لك حياةٍ هنيه
دايم أردد ياعسى الله يهنيك

واليوم مالك غير دعوه قويه
دعوة مظلوم ولا أظنها تخطيك

جعلك تشوف الموت والنفس حيه
بتعس مرض يآخذ سنه ثم ينهيك

وتموت وأدفن عليك بيديه
أدفن معك عذرك وظلمك وماظيك

لا تعتذر وتقول نفسي بريه
دامك قتلت الحب وشلون أبريك

ما عاد تمشي أعذار مثلك عليه
رح ياعسى درب اللقاء بك يوديك