[frame="4 98"]
تعوّدت بحكم قدري أصف بأول الطابـــــــور
ولا أشـكي ولآ أفضـــح خفايا قلبـــي و ســـرّه


ولو غاب الجسد يبقى غيابي ماعليه قصور
مهـــابة سيرتي تشــرح ظروف غيابي وعذره


أنا حبّيت لكن ماقدرت اتقن هـــــــذاك الدور
مجرد موقفـ[ن] عابر ولا جــازت لـــي الفكره


عيوني تكتم العبرة و تحفظ همي المســــتور
و دمـــعي ما حدر إلاّ لـــجل ما ينتـــقص قدره


عزاي اني بعد جرحي أزيد مــــكابري بغرور
وقلبـــي ما عرف يعشق ولاهو عارفن يكره


كثار اللي تمـــنّوني و قلبي مدخلهـ مـــحظور
ولا به قلــب يستاهل قصيدي يحتوي شــــعره


وكل من قال انا معجب لزوم يصف لي بالدور
و إذا أفضى أشوف معاملاته و استمع عذره


أنا ذاك الذي واقف على مطلع بصـيص النور
أنا سنّي صغير و مـــــوقفي سبّاق في أمـــره


تأكد إني مو فاضـي لـ حب و فلسفات شـــعور
إذا في حـــــــب يعنــــي يتبعهـ فرقا بعد بكــره


أحب امي و ابوي وكل أخـــواني بهم مـــغرور
نفاخر في بعض نبهر جموع العالم و أسـره


تـــــعوّدت بحكم قدري أصـــف بأول الطــــابور
ولا أشـكي ولآ أفضـــح خفايا قلبـــي و ســـرّه

[/frame]