منتديات بعد حيي - عرض مشاركة واحدة

معرض الوسام · 04-01-2010, 11:23 AM

كيفك ان شاءالله بخير
مرتاحين الحمدالله من بعد الامتحان وبدأ الاجازة

اليوم لقيت لكم موضوع توووحفه

واتمنى يعجبكم تفضلو
يعجبنا ونص حبيبتي يكفي انه منج

رحلة الى حيث كانت طفولتكم
الا ليت الزمن يعود يوما

دعونا نتعرف على جانب جميل عشناه جميعنا وتمنينآ عودته جميعا ً

!

[ المحطه الاولى ]

اوصف طفولتك بجملة واحدة ؟؟
طفولة مليئة بالمرح ولكن بعمها الهدوء بشكل كبير..

.
.

[ المحطة الثانية ]

ما هو اجمل موقف او اجمل ذكرى تتذكرها من طفولتك ؟؟
اجمل ذكرى كنت مسويه عمليه للبلاعيم شالتنهن
ويوم رجعت من بوظبي للبيت الكل استقبلني
بالهدايا الحلوووة هههه لكن كنت مااقدر اتكلم
لمدة يوم كامل وسرعان ماملوا مني وخلوني بروحي
مليت ورحت العب ف تانكي الماي للبيت
وكانت عندي شماغ واحركها ف الماي وطاحت مني
بغيت اجيبها وكنت ع وشك اطيح ف الماي والمشكله
الكهرباء شغاله وماقدر اصارخ او اتكلم
ويدوتي ربي يرحمها يلست ادورني وتم انقاذي بعد نص ساعه
وانا متعلقه ع حافه التانكي ايدي راحت فيها
ههههههههه

.
.

[ المحطة الثالثة ]

ما هو أصعب أو أحزن موقف مر عليك في طفولتك ؟
صحينا بيوم وكالعادة انا وعموتي من نقوم ونسير للميلس
للمكان اللي فيه يدي ربي يرحمه وف ذاك اليوم ماخلونا
نسير والبيت كله حريم وكله اسود باسود
ماعرفنا شو السالفه لانهم مارضوا يخبرونا
لان كنا متعلقين فيه وااايد
وسمعنا الصياااح يزيد وخبرونا انه راح ومابيرجع

الله يرحمه ويجمعنا وياه ف الجنان يارب

.
.

[ المحطة الرابعة ]

ما هي أجمل هدية تلقيتها في طفولتك ولم تنساها لليوم ؟
امممم اجمل هدية كانت قطوة حلوووة
بس الله يرحمها

لحقها الكلب لين افترسها
اذكر يلست اصيح عليها اسبوع
هههههههههههههههه

.
.

[ المحطة الخامسة ]

هل هناك انسان معين كرهته في طفولتك .. ولماذا ؟
نعم.. كان قااسي معانا وتغيره الكرهه ولله الحمد
وماقول غير ربي يرحمه ويجمعنا وياها ف الجنان

.
.

[ المحطة السادسة ]

ما هي اصعب مرة انطقيت فيها ولا زالت محفورة في ذاكرتك وسبب الطق وش كان؟
ههههههههههههه والله ماانساااه ذاااك اليوووم
انظربت بالعصى والسبب ف ذاك اليوم كان ابوي ماخذ
لنا سياكل

ف انا رئيسه العصابه شليت اخواني
ووعيال خالوتي ورحنا نحوط ف الحارة وندخل البيوت
اللي بعدها ماانبنت بس قبل الدنيا اماااااااان

وانظربت ظرب ذاااك اليووووم وهم ضحكوا علي

.
.المحطة السابعة

هل كنت غيور بطفولتك من اخوانك وتحس فيه تمييز بينك وبينهم ؟
بالعكس اخواني يغارون مني

بما اني البكر
كنت مدلعه من الكل واللي يضربني بس اخبر عليه
يدتي ربي يرحمها وهي تتفاهم وياهم <<<كنت نذلة هههه
والى الآن دلووعه ابوي وامي واخواني يغارون

هههههههااااي

.
.

[ المحطة الثآمنه ]

ما هي اكثر وافضل لعبة كنت تلعبها و أنت صغير ؟
لعبه الاتاري هههههههه
ولعبه الليت<<< نروح لغرفه وشخص برع الغرفه
ونتخبىء منه ونسكر اليت وهو يدورنا ف الظلام
وعاد يالله يحصل ضرب تكسير ع كيف كيفكم ههههه

.
.

[ المحطة التاسعة ]

هل ستربي اولادك بنفس الطريقة التي تربيت بها في طفولتك؟
ساربيهم مثلها ولكن ليس بالضبط لكل جيل زمنه الخاص

وشكراااااااااااااااااا

الشكر لج ع الموضوع الحلوووو
ذكرتيني باحلى اياامي والله

الاعضاء الجدد قبل القديمين
اسفه ماانتبهت لها التنويه غير الحين= خلصت وكتبت

السموحه منج حبوبة