لاتزعلين تضيق فيني الوسيعـه
لاتزعلين اظـن مافيـه داعـي
بيني وبينك ماتصيـر القطيعـه
خلي الزعل للي هواهم صناعي
لك بالوفا يانور عينـي طبيعـه
ميرادمحى الزلات زوفي وراعي
الخل مايرضـا لخلـه هزيعـه
عن الطمان ينزلـه بالرفاعـي
انا وقلبـي يالعيـون الوسيعـه
لاجلك ترانا ماذخرنـا مساعـي
نشري رضاك وخاطرك مانبيعه
حبك هوى نفسي وشوفك متاعي
اشواق قلبي تندفع لك سريعـه
وانا على شانك سريع اندفاعـي
امرك يلبيه الخفـوق ويطيعـه
لوفي حلاة النوم فزيت واعـي
لاتجرحين القلب وانتي ربيعـه
خل الزعل لايصير سبة ضياعي
حب البشر لو تجمعينه جميعـه
حبى لك اكبر والوفا من طباعي