[align=center][/align]

قصيدة للعلاقه الحب بمسن

قالت: وشـسمك.؟ قلت: قوليلي (سعــود)
كله لجـل خـاطر عـيونا كحـيله
صـحيح احب الـبدو حبا بلا احـدود
واعشـق طبايعهم هذيك الاصـيله
واني احب اسج رجـلي ورى الـذود
بذيك الفـيافي والنجم لي دليـله
اسـامر القمرا على شبة العـود
وحدي اناجي" طـيف ذيك الجميـله
لكن:: ماني جـاهل ولي طله و{مـود}
واعـرف اصـول {الأتكيت} الطـويله
عندي {كرزما} طـاغيه مالها اوجـود
وعندي {ستايل} غير محدآ مثيـله
(......) اللي اسـمها ضحـك بالكـود
طبعا شـقاوه هي تسـوي هبيـله
فجأه كذا طلت بلا عـرف ووعـود
بقروب مدري كيـف جـاني إميله
قالت: تدلع قلت يا لب (،الخدود)
انتي دلعك اللي يذوب قبيله
ياليت ('ــ') عندها احـمر خـدود
والا ياليـته بكلتآ" بالجـديله
ولا عـطر" بثيـابها ريحة ورود
اذوب بين انفـاسها" العـليله
ودي اكون الكـحل" بعـيونها السـود
ولا على ناعم جـسدها فـنيله
ولا مابين اشـفاه بعد الأكل عـود
اعيش انا والـروج" قصه طـويله
وقف ياشعـري هيييه بركود بركـود
تبغى تنيلها بسـتين نيـله
ماتدري ان الـبنت يمكن من السووود
وتنقز مع الورعان مثل الهبيله
وكشة شعرها فندق لشله الدود
دبا تـخرع كنها جسـمهم فيله
هذا المــســنجر والغزل فيه مردود
ضحكة عـواطف بالـزمن ذا وجـيله
زيف المشـاعر مصـيده كل مقـرود
والـحب صـاير لأكثر الناس حـيله
البنت" لقفى عـرضها: مـاله اردود
وثوب الشـرف لنشق ماله بديـله
صـحو ضـمايركم ترى العمر محـدود
ويوم الحشـر كلن كتابه يشـيله