أكثر من اللي صـار لـي ويـش يجـرى
بين الرجا واليـاس شفنـي تعلّقـت ..؟
مثلي ولـو شفتـه عـن همومـه أزرى
ماقال ليتـك فـي جروحـه ترافقـت ..
هـاك القصايـد ولاتضايـقـت اقــرى
شف وشكثر فيها لبسماتـك اشتقـت ..؟
أثـر الوفـا ينبـاع عنـدك ويـشـرى
ماكنت أصدق فيـك واليـوم صدقـت .!!
يامشتهـي فرقـا الموالـيـف حــذرى
تبعد وانا من سكـرة الحـب مافقـت .؟؟
لاطافـت الفرصـه تحريـت الاخــرى
وتـروح ماكنـي عليهـا تشوقـت ....
لاصـار حـظ اقشـر والايـام قـشـرى
مافيه احد عاقل يلومـك اليـا ضقـت ؟؟
صحيـح بعـض النـاس فرقـاه بشـرى
وبعض البشر لاغاب ليلـه تضايقـت .!!
ليتـك خذيـت بليـل الاحبـاب مسـرى
غربت من كثـر الطـواري وشرقـت ..؟
السيل يبقـا لـه علـى القـاع مجـرى
ويبقا لك التذكار لـو كنـت فارقـت ..؟
أشوف لك مـن ويـن مارحـت ذكـرى
ولاشفتهـا صديـت عنهـا ودنـقـت .؟
ماكـل جـرحٍ لاخــذا ايــام يـبـرى
بعض الجروح يزيد شره مع الوقت ..!!!
لاتنشغـل فيـنـي انــا بحـالـي أدرى
قلبٍ تعلّق فيك ينسـى مـع الوقـت ..؟
مسروقه