منتديات بعد حيي - عرض مشاركة واحدة - استمتعو استفيدو انطباعي عن حائل واشياء اخرى

04-10-2010, 11:27 AM

اقتباس:


	احسست بالملل والفتور اليومين الي مضوا من المنتدى لان اغلب الموجود منقول ياناس اموووووووت ع كلمة حصري,,,

انا معاك بالنقطه هذي وبطلت اروح منتديات ثانيه لانها كلها نسخه واحده بمواضيعها
واعجبني بموضوعك انه حصري يعني ارد عليه وانا مرتاحه من عناء البحث بالمكرر

اقتباس:


	240... كنت قطعت وعد بأني لا اتعدى 120 كلم بالساعة للوالدة لكن بعدما ركبت الطريق واشتغلت السماعات اناظر السرعة ياساتر 240 يؤيؤ ومثبت السرعة بعد بغيت اقش كذا عائلة من امامي ياربييييه هالسرعة

الحمدلله على سلامتك وسلامة العوايل اللي كانوا بطريقك

وصراحه ما الومك احيانا الطريق الطويل يغري بالسرعه وتكون سرحان وما تشوف الا العداد 240 وفوق
الله يحفظك ويخليك لامك وترجع لها سالم من كل سفريه

اقتباس:


	بنات حايل!!!! -اذا رحت لحايل وشفت الناس رجال ولا بنات يناظرونك عادي لاتفهم غلط خلهم ياخذون راحتهم ويقزقزون ع كيفهم ومايبون منك شيء مجرد شفاية بس << عكس الرياض وهذ مو عيب ولاشي مجرد طبع تطبعو عليه...<<خايف لاينقز بوجهه احد

لا تعليق لان ما شفت بنات حايل ولا بنات الرياض

اقتباس:


	لاتلعب مع الكبار... - اعمل اختبار للصدق يعني حاول تسوي اختبار صداقة وتشوف ردت فعله هو كفو ولا لا مثلا انا دقيت ع اثنين من اخوياي قلت ابيك توديني المستشفى مع ان لحضتها ما ابيه لكن ابشوف رد فعلهم الاول قال مشغول.. الثاني قال خمس دقايق وانا عند الباب ياسلام....

نصيحه روعه واختبار اروع راح اطبقه على بعض صديقاتي ومنكم نستفيد

اقتباس:


	باركو للعضو/ ة الالفية.... من اسوأ الممارسات والاشياء الي نشوفها بالمنتديات التبريكات بالالفيات انا من اشد المعارضين لها لان فيه تشجيع لاكثار عدد المشاركات ع الجودة... انا عندي في بعض الاحيان افضل عضو مشاركاته 100 ع عضو مشاركاته مليون ليش لان الي مشاركاته 100 حلوة وذوق وتستفيد من ردوده وتستمتع بأي رد له...

اتفق معاك اخوي بالنقطه هذي يعني لو تبارك له باول الفيه فقط كتشجيع وينتهي الموضوع مو كل الفيه لها تبريكات
وعن نفسي اشوف الفياتي كلها نقل مكرر او ردود يعني مافيها ابداع او المواضيع الحصريه اللي تستاهل تنزل لها موضوع تبريكات ....

اقتباس:


	خلو حريمنا تسوق... اتمنى والله ان الحريم يسوقون السيارة بالسعودية ليش نعارض فكرة قيادة المرأة للسيارة متى يجي اليوم الي فيه المرأة تقود السيارة متى بس

راح اقول راي من واقع تجربتي ولا يعني هذا تدخل بشئونكم
عندي ان المرأه هي تسوق افضل الف مره من تركب السياره مع سواق غريب عليها
واتفق مع راي فاصله لو تعرف تسوق للحاجه فقط

اقتباس:


	زواج المسافر... اتمنى اتمنى ان زواجي يكون عائلي وبفندق عالمي... الى الان مافيه مشكلة

الله يوفقك اخوي ببنت الحلال اللي تسعدك وان شاء الله زواجك يكون مثل ما تبي واتفق معاك بجمال الهدوء فيه
ومثل ما قالوا اخوانا المصريين العروسه للعريس والجري للمتاعيس

كل الشكر لك اخوي على موضوعك استمتعت بقراءته والرد عليه
والعذر منك على بعض الشطحات فيه

لا تحرمنا من جديدك