منتديات بعد حيي - عرض مشاركة واحدة - تعال وقل اللي بخاطرك لأي شخص او حتى لنفسك

05-09-2010, 12:26 PM

يــابــوي جـعــلــك لـلـبـقــا والـمـكـاسـيـب**** عـمـري بـدونـك يـالـذَرا ويــش أبــي بــه

يـابـوي تـسـأل عـــن شـفــاك المـراقـيـب ****طـلــعــة ســواتـــك لـلـنّـوايــف غـريــبــه

ليـه المـرض مايعـرف الزّيـن والعـيـب ؟**** مــايــدري انــــك للـمـخـالـيـق هـيــبــه !!

أبسـألـك وش بــه غــزا وجـهـك الـشـيـب**** والـقـلــب لايـــــع والـنــواظــر شـحـيـبــه

وش بـك تحاتـي لانـوى المـوت تغـريـب**** تـخــشــى عـلـيـنــا بـالـلـيّـالــي الـكـئـيـبــه

خـذ دلّـتـك واركــى عـلـى مسـنـد الجـيـب ****وعطـنـي شمـاغـك بلثـمـه وأحـتـمـي بـــه

ونـروّح لأرض ٍ بهـا العشـب والطيـب****وتـسـمـع كـــلام ٍ يـالـغـلا تحـتـفـي بـــه

يـابــوي بـنـتـك لاانـحـكــى بالـتّـجـاريـب****كـــل ٍ يـشــق لهـيـبـه الـصّـيـت جـيـبــه

يـابـوي مـانـي مــن ســـوات المـخـاريـب****الــلّــي تـجـيــب لـعـلـيَــة الــقـــوم خـيــبــه

ومانـي مـن اللّـي لامـشـت حفّـهـا الـرّيـب**** أنـــــا مـــــن الــلّـــي مـايــدنّــس حـلـيـبــه

مـرفـوع شـانـي عـــن غـــرام المكـاتـيـب****وأكـبـر مـــن انّـنــي أرتـضــي بالحبـيـبـه

أنــــا غــرامــي لاابــتـــدوا بـالـتّـراحـيـب****نـفــوس الأوادم فـــي وجـــودي رحـيـبــه

وان كــان زيـنــي فـتـنـة ٍ للمـصـاويـب****أحـــــط وجــهـــي بـالـحـريــق ولـهـيــبــه

زيـنـي أبيـعـه وأشـتـري سمـعـه الـطّـيـب****اسـم ٍ ينومـس بالـصّـروح الــذ ّهيـبـه

وان كان عندي ( بالحلا) شي ٍ اصعيب****عـنــدي جـــدود ٍ مـارضــت بالغـلـيـبـه

دمـــوع القـبـايـل فـــي لـقـانــا مـسـاكـيـب****كـــــن الـمـقـابــر لاحـضــرنــا قــريــبــه

خضّبـت لـك كـفّـي مــن الـعـز تخضـيـب****ورفــعــت راســــي لـلـنّـجـوم الصّـعـيـبـه

والله لأســـــدّك بـالـفـعــول الـمـصـالـيـب****والله لأشـيــلــك بــالــرخــا والـمـصـيـبــه

طـلــع الـمـعـالـي مـاانـحـكـم لـلـشّـواريـب****بـنـت ٍ وأنـاطـح فــارس الـقــوم طـيـبـه

وياشـيـخـي إبـشــر لــوتــدور الـدّوالـيــب**** بنـتـك إلا مـنّــه عـــوى الـذّيــب ( ذيـبــه)