؛
؛
؛
؛
؛
؛
؛

من يوم مارجلك وطت درب الفراق
.................................... وشاعرك له مده يلاعبه قافه

من غيبتك غافل الى اليوم مافاق
.................................... والحزن له عنده ملاذ وضيافه

ومن الحزن قط القلم شق الاوراق
.................................... ونبع القصايد يشتكي من جفافه

ضايق فكر مدري صدر المهم ضاق
.................................... ومن ضيقته باين عليه اختلافه

يطيق لجلك شي ماهو بينطاق
.................................... ماخاف في عمره وبعدك يخافه

ياليت عنده قدره تشوف الاعماق
.................................... والله لترجعله وبعدك تعافه

ماشفت دمع العين عالخد منساق
.................................... أمسح دموعه يعني فيها كلافه ؟

جالك وهو ضميان ويصيح مشتاق
.................................... وتبخل وهو ماشيلك أطول مسافه

تايق لوصلك وانت للبعد تواق
.................................... شوف التناقض (بيننا) ياحسافه

من ما راقي لي...