|
شـــــــمــــــر
شمر هل الطولات وابليس ملعون
ربـي خلقهـم للسبايـا وداعـه
شمر أنا في حبهم حيـل مفتـون
شمر هلي هم لابتـي والجماعـه
شمر طنايا ب(السناعيس)يُدعـون
شمر نباهم ورث..جود وشجاعـه
شمر كما ليلٍ به افـراح وحـزون
شمر عذاب المعتدي مع ضياعـه
شمر على عادات الاجداد يبقـون
شمر وحـوشٍ بالملاقـا سباعـه
شمر هم النخوة وبالروح يفـدون
شمر إذا قلت الكـرم ب إنطباعـه
شمر إذا هم عاشروا حيل يوفـون
شمر ب مد الطيب تدلي ب صاعه
شمر أنا إعلن واسمِّعـك يالكـون
شمـر و فيهـم للقناعه..قناعـه
شمر على درب الصحابه يسيرون
شمر حُماة الدين..كـل إستطاعـه
شمر على القرءآن..وامره يطيعون
شمر هل السنه وأهـل الجماعـه
شمر تشوف الواقع المر ب عيون
وتشوف بيع الروح للقدس طاعه
شمر على جَمْعَة هل الألف مليون
شمر هم اوَّل من يشمِّـر ذراعـه
شمر إذا كان الخبر كيف وشلـون
شمر مع العالم بشبـره و باعـه
بيتين شعـرٍ ياعساااهـم يكفُّـون
وان ماكفاك ابشر..نمـد إتساعـه
عجبتني وحبيت انقلها لكم
ولاتهون باقي القبايل~
|