شهيق,

صبحك ربي بخير / يا منبع الخير
فديت من عيا يقوم ويصحصح

لبى عيونٍ كل أبيها تصاوير
ولبى اللي بالغيره يجيد التشرشح !

لا تعتذر مالي ومال المعاذير ؟
دام الآماني أنتهت في ثواني

ربيت حلمي من زمن عاده صغير
والحين تجحد / ما عطتك المحاني ؟

طلبتني أهديك جزل وتصاوير
وأهديتك لشعري جزال ومعاني

ما قلت عطني ! قلت أطلب وأنا أصير
ما قلت وينك ؟ خايف أطلع أناني

ما قلت أعشْق ! كنت أبي بس تقدير
ما قلت أحضْر ! قلت لك ذا مكاني

مدري بتجريحك , مميز عن الغير
ولا الغلا عن حد سيفك خذاني !

بس الوكاد اني عشقتك وأنا بخير
وأقفيت عنك / ماني الأولاني ..

ما أعتدت أضيق اليا لمحت المسايير
لكن م جاني من طعونك كفاني

أهديتك بفرقاي راحه وتفكير
وحلفت بعدْك ينذبح بي حناني

وأخذت لحظة صدتك حلمٍ كبير !
وأدمرت بكفوفك ( رسوم وأماني )

حتى الزفير بغيبتك ماهو زفير
أزفر من الضيقه , / حروف ومعاني

قبل الموادع .. / ودامه مقابل أخيير
ودامك قوي ! ماهمك اللي بلاني

مع السلامه ! واسمح ان جاك تقصير
حاولت أوفا / بس غدرني زماني

أخر قصيده قلت لك : قصتك غير !
وأخر جميلك : طعنتك بالمحاني !

زفير ,

أفرج شعورك / قوم في خافقي طير
يامن دخل قلبي وعيا يتنحنح ..

صبحك ربي بحب , يا مصدر الخير
أصحا وخل الحب فينا يصحصح !

أتمنى أن ترتقي لذآئقتكم
لقلوووبكم كل الوود